Adani Stocks / અદાણી ફરી કમબેક: 48 કલાકમાં આપ્યા 4 ગુડ ન્યૂઝ, દુનિયાની અમીરોની લિસ્ટમાં 16 ક્રમે પહોંચ્યા, તમામ શેરોમાં તોફાની તેજી

• અદાણી ગ્રુપે માર્કેટમાં ફરી કરી વાપસી
• કંપનીનાં શેરોનું શેર માર્કેટમાં વેલ્યૂએશન વધ્યું
• ગૌતમ અદાણીની નેટવર્થમાં જંગી વધારો

ભારતીય અરબપતિ ગૌતમ અદાણીએ છેલ્લાં થોડા દિવસોથી બિઝનેસ રેસમાં વાપસી કરી હોય તેવું લાગી રહ્યું છે.  છેલ્લાં થોડા દિવસોથી તેમની કંપનીનાં શેરો રોકેટ માફક ઊંચે જતાં દેખાઈ રહ્યાં છે.  અત્રે ઉલ્લેખનીય છે કે રોકાણકારોનાં સેંટિમેંટ પર પોઝિટિવ અસર પડી છે.  છેલ્લાં 24થી 48 કલાકમાં ગૌતમ અદાણીને 4 મોટી ગૂડ ન્યૂઝ મળી છે. 

1. હિંડનબર્ગ રિપોર્ટ પર USનો દાવો
જાન્યુઆરી 2023માં અમેરિકી શોર્ટ સેલર ફર્મ હિંડનબર્ગની રિપોર્ટ પબ્લિશ થઈ હતી જેમાં અદાણી ગ્રુપ પર લોન અને પૈસાની હેરાફેરી જેવા અનેક ગંભીર આરોપો લગાડવામાં આવ્યાં હતાં. આ રિપોર્ટની સીધી અસર અદાણી કંપનીઓ પર પડી હતી. અદાણી સ્ટોક્સ 85% તૂટી ગયાં હતાં. જો કે હવે સુપ્રીમ કોર્ટે સ્પષ્ટ શબ્દોમાં જણાવી દીધું કે હિંડનબર્ગની રિપોર્ટને સંપૂર્ણપણે સાચી માની શકાય નહી. આ સિવાય અમેરિકાએ પણ માન્યું છે કે આ રિપોર્ટ પ્રાસંગિક નથી. US Govએ કહ્યું કે હિંડનબર્ગનાં ગૌતમ અદાણી પર લગાડવામાં આવેલ કોર્પોરેટ છેતરપીંડીનાં આરોપો પ્રાસંગિક નથી અને શ્રીલંકાના ટર્મિનલ 553 મિલિયન ડોલર સુધીની અનુદાન પ્રદાન કરવાના USનાં નિર્ણય પર તેની કોઈ અસર થઈ નથી. 

2. ચૂંટણીનાં પરિણામો
હાલમાં જ દેશનાં પાંચ રાજ્યોમાં થયેલ વિધાનસભા ચૂંટણીનાં પરિણામો ઘોષિત થયાં છે. જેમાં ભાજપે 3 રાજ્યોમાં જીત મેળવી લીધી છે.  ભાજપની આ જીતની સીધી અસર સ્ટોક માર્કેટ પર જોવા મળી છે.  ચૂંટણીમાં ભાજપની જીત બાદથી જ અદાણી ગ્રુપની શેરબજારની લિસ્ટેડ કંપનીઓનાં શેરોમાં તૂફાની તેજી જોવા મળી રહી છે.

3. ગૌતમ અદાણી દુનિયાનાં 16માં અમીર બન્યાં
ગૌતમ અદાણીની કંપનીઓનાં શેરોમાં છેલ્લાં એક અઠવાડિયાથી તેજી જોવા મળી રહી છે જ્યારે સુપ્રીમ કોર્ટે અદાણી-હિંડનબર્ગનાં મામલાની સુનાવણી કરતાં પોતાનો નિર્ણય સુરક્ષિત જ રાખ્યો છે. પણ ચૂંટણીમાં ભાજપની જીત બાદથી શેરબજારમાં ટ્રેડિંગ વધી ગયું છે. અદાણીનાં સ્ટોકમાં તેજી જોવા મળી છે પરિણામે છેલ્લાં 2 દિવસોમાં અદાણી એન્ટરપ્રાઈસીઝથી લઈ અદાણી પોર્ટ, અંબુજા, અદાણી એનર્જી સુધીનાં શેરોમાં ઊછાળો જોવા મળ્યો છે. આ તેજીનાં લીધે અદાણીની નેટવર્થ વધીને 70.2 અરબ ડોલર પહોંચી ગઈ છે.  પરિણામે ગૌતમ અદાણી વિશ્વનાં સૌથી અમીરોની લિસ્ટમાં 16માં ક્રમે આવ્યાં છે.

4. અદાણીનાં શેરોમાં જોરદાર તેજી
છેલ્લાં 2 દિવસોથી અદાણી ગ્રુપની મોટાભાગની કંપનીઓમાં જોરદાર તેજી જોવા મળી રહી છે. 

• અદાણી ગ્રીન સોલ્યુશન- 11.17% વધારો (1004.65 રૂપિયા)
• અદાણી એન્ટરપ્રાઈસીઝ- 9.50% વધારો 
• અદાણી ગ્રીન એનર્જી- 17.12% વધારો
• અદાણી પોર્ટ- 8.69% વધારો
• અદાણી પાવર- 6.04% વધારો
• અદાણી ટોટલ ગેસ- 11.03% વધારો
• અંબુજા સિમેન્ટ- 5.34% વધારો