લોકસભાની ચૂંટણી નજીક આવતા રાજકીય માહોલ ધીમે ધીમે જામી રહ્યો છે. વધુ એક પૂર્વ ધારાસભ્ય આગામી ટૂંક સમયમાં તેમનાં કાર્યકરો સાથે ભાજપમાં જોડાઈ રહ્યા છે. આગામી સમયમાં હજુ પણ અનેક કાર્યકર્તાઓ ભાજપમાં જોડાઈ શકે છે.
Share
તમામ રાજકીય પક્ષોએ લોકસભાની તૈયારીઓ શરૂ કરી દીધી
લોકસભા ચૂંટણી પહેલા કોંગ્રેસ બાદ AAPને ઝટકો
વધુ એક ધારાસભ્ય 3 ફેબ્રુઆરીએ કેસરિયો ધારણ કરશે
લોકસભા 2024 ની ચૂંટણીમાં ભાજપ દ્વારા 400 પ્લસનાં લક્ષ્યાંક સાથે ચૂંટણીની તડામાર તૈયારીઓ હાથ ધરી દીધી છે. તો બીજી તરફ ઈન્ડિયા ગઠબંધનમાં હજુ સીટોની વહેંચણીને લઈ બેઠકોનો દોર ચાલી રહ્યો છે. જ્યારે આમ આદમી પાર્ટી દ્વારા ગુજરાતમાં ભરૂચ લોકસભા સીટ પરથી આદિવાસી નેતા ચૈતર વસાવાને ઉમેદવાર જાહેર કરી દીધો છે. વધુ એક પૂર્વ ધારાસભ્ય આગામી ટૂંક સમયમાં ભાજપમાં જોડાઈ રહ્યા છે.
ચિરાગ પટેલ
2100 જેટલા કાર્યકરો સાથે ભાજપમાં જોડાશે પૂર્વ ધારાસભ્ય
લોકસભાની ચૂંટણી પહેલા કોંગ્રેસ બાદ આપને ઝટકો લાગ્યો છે. વિસાવદરનાં પૂર્વ ધારાસભ્ય આગામી ટૂંક સમયમાં ભાજપમાં જોડાઈ રહ્યા છે. ત્યારે 3 ફેબ્રુઆરીનાં રોજ સત્તાવાર રીતે પૂર્વ ધારાસભ્ય કેસરિયો ખેસ ધારણ કરશે. વર્ષ 2022 ની વિધાનસભા ચૂંટણીમાં આપ ના ધારાસભ્ય તરીકે ચૂંટાયા હતા. તાજેતરમાં ભૂપત ભાયાણીએ AAP ના ધારાસભ્ય પદેથી રાજીનામું આપ્યું હતું. ગઈકાલે 2100 જેટલા કાર્યકરો અને નેતાઓ ભાજપમાં જોડાયા હતા.
કોંગ્રેસમાંથી ભાજપમાં જોડાયા બાદ ચિરાગ પટેલનાં સુર બદલાયા હતા
તાજેતરમાં જ ખંભાત વિધાનસભા બેઠકનાં કોંગ્રેસનાં ધારાસભ્યએ રાજીનામું આપી દીધું હતું. તે પહેલા આમ આદમી પાર્ટીનાં ધારાસભ્ય દ્વારા પણ રાજીનામું આપી વિધિવત કમલમ ખાતે કેસરીયો ધારણ કરી ભાજપમાં જોડાયા હતા. ત્યારે કોંગ્રેસમાંથી ભાજપમાં જોડાયા બાદ ચિરાગ પટેલનાં સૂર બદલાયા હતા. તેમણે કહ્યું કે, કોંગ્રેસના નેતાઓને ઉચકીને ખુરશીમાં બેસાડવા પડે છે અને કોંગ્રેસને ઉઘરાણા સિવાય કશુ જ આવડતુ નથી. 'ડોનેટ ફોર દેશ' અભિયાનના ચિરાગ પટેલે લીરા ઉડાવ્યા છે. કોંગ્રેસના નેતાઓ AC હોલમાં બેસીને પક્ષ ચલાવે છે તેમજ કોંગ્રેસમાં ધારાસભ્યો ગૂંગળાઈ રહ્યા છે. કોંગ્રેસમાં બોલવાનું કંઈક અને કરવાનું કંઈ તેવી સ્થિતિ છે. કોંગ્રેસમાં જૂથવાદ ચરમસીમાએ છે. ગુજરાત કોંગ્રેસનું નેતૃત્વ દિલ્લીથી ઓપરેટ થાય છે.
