તમારા કામનું / આધાર-પાન લિંક ન કર્યું હોય તેને મોટો ઝટકો, આપવું પડશે 20% TDS, પ્રોપર્ટી ખરીદવી પડશે મોંઘી

• આધાર-પાન લિંક કરવું ખૂબ જરૂરી 
• નહીં તો પ્રોપર્ટી ખરીદવી પડશે મોંઘી 
• આપવું પડશે 20% TDS

ડેડલાઈન પૂર્ણ થયા બાદ પણ જો તમે હજુ સુધી પોતાનું આધાર અને પાન કાર્ડ લિંક નથી કરાવ્યું તો તમારે ભારે નુકસાન ચુકવવું પડી શકે છે. જીહાં, જો તમે નવી પ્રોપર્ટી ખરીદવાનું વિચારી રહ્યા છો અને તમારૂ આધાર પાન લિંક નથી તો તમને 1 ટકાની જગ્યા પર 20 ટકા TDS ચુકવવો પડી શકે છે. ઈનકમ ટેક્સ ડિપાર્ટમેન્ટે નવા નિયમો હેઠળ હજારો પ્રોપર્ટી માલિકોને આ નોટિસ આપી છે. 

ઈનકમ ટેક્સ એક્ટ અનુસાર 50 લાખ રૂપિયા કે તેનાથી વધારે ભાવની કોઈ પ્રોપર્ટી લેવા પર કેન્દ્ર સરકારને 1 ટકા ટીડીએસ આપવો પડશે અને તેની કુલ કિંમત 99 ટકા પ્રોપર્ટી વિક્રેતાને આપવામાં આવશે. 

50 લાખથી વધારેની પ્રોપર્ટી પર આપવો પડશે TDS
જણાવી દઈએ કે આધાર અને પાન લિંક કરવાની ડેડલાઈન પૂર્ણ થયે લગભગ 6 મહિના પસાર થઈ ચુક્યા છે અને હવે ઈનકમ ટેક્સ ડિપાર્ટમેન્ટે 50 લાખ રૂપિયાથી વધારેની કિંમત વાળી પ્રોપર્ટી ખરીદનાર ગ્રાહકોને એક નોટિસ મોકલી છે. આ નોટિસમાં ખરીદેલી પ્રોપર્ટીની કિંમતના 20 ટકા TDS ચુકવવાનું કહેવામાં આવ્યું છે.

આ રિપોર્ટ અનુસાર આવકવેરા વિભાગને ઘણા એવા કિસ્સા મળ્યા છે જેમાં પ્રોપર્ટી સેલરનું પાન અને આધાર કાર્ડ લિંક નથી. મોટાભાગના કેસમાં પ્રોપર્ટી સેલરનું પાન કાર્ડ ઈન એક્ટિવ થઈ ગયું કારણ કે તે આધાર સાથે લિંક ન હતું. આવી સ્થિતિમાં 50 લાખથી વધારેની પ્રોપર્ટી લેનાર બાયર જેમનું પાન કાર્ડ ઈનએક્ટિવ છે તેમને ઘણા મહિનાઓથી બચેલા ટીડીએસને ચુકવવા માટે નોટિસ મળી રહી છે.