નવી વાત / 2000ની નોટને લઈને એક ખાનગી વાત જાહેર, PM મોદીએ પહેલા નતી આપી મંજૂરી, પછી થયું એવું કે થયા તૈયાર

• નોટબંધી વખતે 2000ની નોટો જારી કરવામાં આવી હતી
• છેલ્લા કેટલાક સમયથી 2000ની નોટોનું પ્રિન્ટિંગ કરવામાં આવ્યું બંધ
• હવે RBIએ 2000ની નોટો પાછી ખેંચવાની જાહેરાત કરી

ભારતીય રિઝર્વ બેંક એટલે કે RBI એ 2000ની નોટો પાછી ખેંચવાની જાહેરાત કરી છે. તેની પ્રક્રિયા પણ ચાલી રહી છે. RBI ની આ જાહેરાત માટે વિપક્ષ પીએમ નરેન્દ્ર મોદી અને તેમની સરકારની ટીકા કરી રહ્યો છે, પરંતુ હવે જે માહિતી સામે આવી રહી છે તે વિપક્ષને ચૂપ કરી દેશે. પ્રાપ્ત માહિતી અનુસાર પીએમ નરેન્દ્ર મોદી ક્યારેય પણ 2000ની નોટ બજારમાં લાવવા માટે રાજી થયા નથી.
કોણે કર્યો ખુલાસો
વડા પ્રધાન કાર્યાલયના પૂર્વ મુખ્ય સચિવ નૃપેન્દ્ર મિશ્રાએ જણાવ્યું હતું કે વડા પ્રધાન નરેન્દ્ર મોદી રૂ. 2000ની નોટની તરફેણમાં બિલકુલ ન હતા કારણ કે તેમણે તેને ક્યારેય ગરીબો માટેની નોટ ગણી ન હતી.

PM Modi was not in favour of Rs 2000 notes, gave reluctant permission as demonetisation had to be done in limited time: Nripendra Misra

Read @ANI Story | https://t.co/tyApmMlf1D#Demonetisation #PMModi #Rs2000CurrencyNote #Rs2000 #currency #NripendraMisra pic.twitter.com/9w4QPWY2Ou

— ANI Digital (@ani_digital) May 22, 2023

PM એ ક્યારેય 2000 રૂપિયાની નોટને મંજૂરી આપી નથીઃ નૃપેન્દ્ર મિશ્રા
પૂર્વ મુખ્ય સચિવ નૃપેન્દ્ર મિશ્રાએ વધુમાં કહ્યું કે પીએમ નરેન્દ્ર મોદીએ આ નોટને મોટો ખતરો ગણાવ્યો હતો. તેમણે કહ્યું હતું કે આનાથી સંગ્રહખોરીમાં વધારો થશે. મિશ્રાએ કહ્યું કે નોટબંધીના સમયે માર્કેટમાં માંગને પહોંચી વળવા RBI પાસે તે સમયે પ્રિન્ટિંગની પૂરતી ક્ષમતા નહોતી. આ માટે 2000ની નોટ લાવવાનો નિર્ણય લેવામાં આવ્યો હતો. પરંતુ પીએમ આ માટે તૈયાર નહોતા. પરંતુ સંજોગોને ધ્યાનમાં રાખીને તેમણે મંજૂરી આપી હતી. તેમણે કહ્યું "પીએમ નરેન્દ્ર મોદી 2000 રૂપિયાની નોટની તરફેણમાં બિલકુલ ન હતા. PMએ ક્યારેય 2000 રૂપિયાની નોટને મંજૂરી આપી નથી. 
ક્યાંથી શરૂ થયો વિવાદ
આ 2000ની નોટ વિવાદ 2016 થી શરૂ થયો છે.  જ્યારે મોદી સરકારે નોટબંધીની જાહેરાત કરી હતી. આ દરમિયાન બજારમાં હાજર 500 અને 1000ની નોટોની માન્યતા રદ્દ કરવામાં આવી હતી. તેની જગ્યાએ નવી 500 અને 2000ની નોટો લાવવામાં આવી હતી. તે સમયે પણ વિપક્ષે તેને લઈને ભારે હોબાળો મચાવ્યો હતો. એવું કહેવામાં આવ્યું હતું કે 2000ની નોટ સાથે સંગ્રહખોરી વધશે.