VTV Impact / 'હવેથી સાઈટ પર શ્રમિકોની સેફ્ટી નહીં હોય તો...', જુઓ VTVના અહેવાલ બાદ રાજકોટ મનપાએ શું ખાતરી આપી

• VTV NEWSના ધારદાર અહેવાલ બાદ જાગ્યું રાજકોટ મનપા તંત્ર 
• કામની સ્થળે શ્રમિકોની સુરક્ષાને લઈને VTV NEWSએ ઉઠાવ્યા હતા સવાલ 
• RMC ખાતે કોઈ પણ સુરક્ષા વિના શ્રમિકો કામ કરતા હોવાનો અહેવાલ દર્શાવ્યો હતો 

 રાજકોટમાં VTV NEWS ના અહેવાલ દ્વારા રાજકોટ મનપા તંત્ર જાગ્યું છે. કામના સ્થળે શ્રમિકોની સુરક્ષાને લઈ વીટીવી ન્યૂઝએ સવાલ ઉઠાવ્યા હતા.  આરએમસી ખાતે કોઈ પણ સુરક્ષ વિના શ્રમિકો કામ કરતા હોવાનો અહેવાલ દર્શાવ્યો હતો. વીટીવી ન્યૂજના અહેવાલ બાદ મનપાના અધિકારીઓની બિલ્ડીંગ એસો. સાથે બેઠક યોજવામાં આવી હતી. જેમાં કામદારોને સેફ્ટીનાં સાધનો આપવા અંગે ચર્ચા કરવામાં આવી હતી. ફરી એક વખત વીટી ન્યૂઝ જનતાનું સાચું પ્રહરી બન્યું છે. મનપાના અધિકારીઓએ સાઈટ પર જઈને કામદારોને સમજાવવા ખાતરી આપી હતી. જો બાંધકામ સાઈટ પર શ્રમિકોની સેફ્ટી નહિ હોય તો મનપા કડક કાર્યવાહી કરશે. 

રાજકોટ મ્યુ. કોર્પોરેશન તેમજ રાજકોટ બિલ્ડર એસો. અન્ય એસોસિયેશન વચ્ચે બેઠક યોજાઈ
આ બાબતે પરેશભાઈએ જણાવ્યું હતું કે, રાજકોટ મ્યુનિસિપલ કોર્પોરેશન દ્વારા રાજકોટ બિલ્ડર એસોસિયેશન, રાજકોટ એન્જિનિયરિંગ એસો.  તેમજ રાજકોટના તમામ એન્જિનિયરોની ઉપસ્થિતિમાં યોજવામાં આવી હતી. આ બેઠકમાં સાઈટ પર જે મજૂરો કામ કરે છે. તેની સેફ્ટીને લઈ કોર્પોરેશન દ્વારા ખાસ ચિંતા વ્યક્ત કરી હતી. તેમજ આ તમામ નિયમોનું કડક અમલવારી કરવામાં આવે. 

વધુ વાંચોઃ ટેક્સમાં રિબેટ, ઈલેક્ટ્રિક વાહનોના વેરામાં 100% રાહત, જાણો AMCના બજેટથી અમદાવાદીઓને શું ફાયદો

મજૂરના સેફ્ટી બેલ્ટ, હેલમેટ વગેરે આપવામાં આવે
કન્ટ્રક્શન સાઈટો ઉપર જઈ મજૂરના સેફ્ટી બેલ્ટ, હેલમેટ વગેરે આપવામાં આવે છે. પરંતું મજૂરો દ્વારા એવી ફરિયાદ કરવામાં આવે છે કે કામ કરવામાં અનૂકુળતા નથી આવતી.  આજ રોજ ટાઉન પ્લાનિંગ ઓફીસર દ્વારા અમને સૂચના આપવામાં આવી છે. જેનો દરેક કોન્ટ્રાક્ટરો ચુસ્ત પણે અમલ કરે. તેની દરેક બિલ્ડરોને જાણ કરશું. તેમજ સેફ્ટીમાં કોઈ બાંધછોડ ન કરે.