- વડોદરા થી અયોધ્યા જતી 108 ફુટ લાંબી અગરબત્તીનું લુણાવાડામાં ભવ્ય સ્વાગત
- 108 ફૂટની અગરબત્તી ના દર્શને લુણાવાડા ખાતે માનવ મહેરામણ ઉમટી પડ્યું
- 3500 કિલો વજનની અગરબત્તી 12 હજાર કિમીનું અંતર કાપીને અયોધ્યા પહોંચશે
22 મી જાન્યુઆરીનાં રોજ અયોધ્યા ખાતે ભગવાન શ્રી રામનાં મંદિરનો ભવ્ય પ્રાણ પ્રતિષ્ઠા મહોત્સવ યોજાનાર છે. ત્યારે વડોદરાથી અયોધ્યા શ્રી રામ મંદિર જતી 108 ફૂટ લાંબી અગરબતીનું લુણાવાડામાં ભવ્ય સ્વાગત કરવામાં આવનાર છે. ભગવાન શ્રી રામ મંદિર અયોધ્યા જતી અગરબત્તીનાં દર્શન કરવા રામ ભક્તો મોટી સંખ્યામાં ઉમટ્યા હતા. વડોદરાના રામ ભક્તની 10 ફૂટ લાંબી અગરબત્તીનો શ્રી રામનાં મંદિરની પ્રાણ પ્રતિષ્ઠા સમારોહમાં ઉપયોગ કરાશે.
મોટી સંખ્યામાં યુવા સહિત મહિલાઓ અગરબત્તીનાં દર્શન કરી અભીભૂત થયા
વડોદરાનાં ભક્ત દ્વારા બનાવેલી 108 ફૂટની અગરબત્તીનાં દર્શને લુણાવાડા ખાતે માનવ મહેરામણ ઉમટી પડ્યું હતું. 108 ફૂટ લાંબી અગરબત્તી લઈને વડોદરાથી અયોધ્યા લઈ જતા લુણાવાડા નગરની કોટેજ ખાતે અગરબત્તીનું સ્થાનિક સાધુ, સંતો અને ભક્તોએ પૂજન અને સ્વાગત કર્યું હતું. લુણાવાડા ખાતે આવેલા કોટેજ નજીક અગરબત્તી આવતા જય શ્રી રામના નારાઓથી નગર ગુંજ્યું હતું. યજ્ઞમાં વાપરવામાં આવતી તમામ સામગ્રીનો ઉપયોગ કરીને આ અગરબત્તી બનાવવામાં આવી છે. ડી.જે.ના તાલે નાચી નગરજનોએ અગરબત્તીનું સ્વાગત કર્યું હતું. ત્યારે યુવા સહિત મહિલાઓ પણ મોટી સંખ્યામાં ઉમટી અગરબત્તીનાં દર્શન કરી નગરજનો અભીભૂત થયા હતા.
108 ફૂટ લાંબી અગરબત્તી માટે વિશેષ ટ્રેલર સ્વરુપે રથ તૈયાર કરવામાં આવ્યો
અયોધ્યામાં આગામી 22 જાન્યુઆરી 2024ના રોજ ભગવાન શ્રીરામ તેમના જન્મ સ્થળ પર બનેલો દિવ્ય મંદિરમાં બિરાજમાન થશે. ત્યારે આ ઐતિહાસિક અને આધ્યાત્મિક કાર્યક્રમમાં સહભાગી થવા માટે વડોદરા શહેરના ગોપાલક સમાજના આગેવાનો અને રામભક્તો દ્વારા 108 ફૂટ લાંબી અગરબત્તી બનાવી છે. આ અગરબત્તી તારીખ 31ના રોજ બપોરે બે વાગ્યે વડોદરાથી અયોધ્યા રવાના થઈ હતી. 108 ફૂટ લાંબી અગરબત્તી માટે વિશેષ ટ્રેલર સ્વરુપે રથ તૈયાર કરવામાં આવ્યો છે. આશરે 12 હજાર કિલોમીટરનું અંતર કાપીને અગબત્તી અયોધ્યા પહોંચશે.
વધુ વાંચોઃ અયોધ્યામાં ત્રણમાંથી અરુણ યોગીરાજની રામલલાની મૂર્તિ જ કેમ પસંદ કરાઇ? શું છે હનુમાન દાદા સાથેનું કનેક્શન?
અગરબત્તી તૈયાર કરતા 6 મહિનાનો સમય લાગ્યો
આ અગરબત્તી તૈયાર કરનાર વડોદરાના ગોપાલક વિહાભાઇ ભરવાડે કહ્યું હતું કે રામ મંદિર માટે તૈયાર કરેલી આ અગરબત્તીનું વજન 3500 કિલો છે. અગરબત્તી 108 ફૂટ લાંબી અને સાડા ત્રણ ફૂટ પહોળી છે. અગરબત્તીમાં ગુગળ, કોપરનું છીણ, જવ, 280 કિલો તલ ગાયનું શુદ્ધ ઘી, હવન સામગ્રી અને ગીર ગાયના છાણનો પાવડર ઉપયોગ કરવામાં આવ્યો છે. આ અગરબત્તી 47 દિવસ સુધી અખંડ ચાલશે. અગરબત્તી તૈયાર કરતા 6 મહિનાનો સમય લાગ્યો છે.
