કાર્યવાહી / વૃદ્ધ દંપતિને ઢસડીને પોલીસ સ્ટેશન લાવવું ભારે પડ્યું, 6 પોલીસકર્મી સસ્પેન્ડ , PI સામે પણ તપાસ થશે

• ચાંદખેડા પોલીસ સ્ટેશનના 6 પોલીસકર્મી સસ્પેન્ડ 
• દંપતિને ઢસડીને પોલીસ સ્ટેશન લાવવામાં આવ્યા હતા. 
• સમગ્ર મામલે PI સામે પણ ખાતાકીય તપાસના આદેશ 

અમદાવાદમાં વૃદ્ધ દંપતિને ઘરેથી ઢસડીને પોલીસ સ્ટેશન લઇ જવાના મામલે ચાંદખેડા પોલીસ સ્ટેશનના 6 પોલીસકર્મીઓ સસ્પેન્ડ કરાયા છે. અને ચાંદખેડા પોલીસ સ્ટેશનના PI સામે પણ ખાતાકીય તપાસના આદેશ આપવામાં આવ્યા છે. 

મકાન ખાલી કરવાને લઈ તકરાર થઈ હતી 

દંપતિ દ્વારા પોતાનું ભાડાનું મકાન ખાલી કરાવાને લઇ PI વી.જી.રાઠોડ સાથે તકરાર થઇ હતી. ત્યારે ચાંદખેડા PI કે.વી.પટેલે વૃદ્ધ દંપતિ નહીં પણ PI વી.જી.રાઠોડની મદદ કરી હતી. જેને લઇ દંપતિએ સમગ્ર મામલે કોર્ટમાં ફરિયાદ કર્યા બાદ કોર્ટે તપાસ કરવા આદેશ આપ્યા છે. ત્યારે સમગ્ર મામલાને લઇ સવાલ ઉઠી રહ્યાં છે કે. વૃદ્ધોની સલામતિનો દાવાની વચ્ચે પોલીસ જ વૃદ્ધ પર અત્યાચાર કેમની કરી શકે. 

કોર્ટના આદેશ બાદ કાર્યવાહી થઈ 

કોર્ટના આદેશ બાદ જ કેમ કાર્યવાહી કરવામાં આવી?. શું પોલીસકર્મી ગુનો કરે તો તેમની સામે બીજો પોલીસકર્મી કાર્યવાહી ન કરે?. પોલીસકર્મી એકબીજાના ગુના છૂપાવી ગુનાખોરીને કેમ વધારો આપે છે?. ચાંદખેડા PI કે.વી.પટેલે વૃદ્ધ દંપતિની કેમ મદદ ન કરી?આ સવાલ હાલમાં દરેકના મનમાં ઉઠી રહ્યો છે. 

પોલીસ સામે ઉઠ્યા ગંભીર સવાલો 

સમગ્ર ઘટનાને લઈને લોકોમાં રોષ ફેલાયો છે. સાથેજ લોકોના મનમાં સવાલો ઉઠી રહ્યા છે. જેમા દંપતિના મકાનમાં ભાડે રહેતા PI વી.જી.રાઠોડની ચાંદખેડા PIએ કેમ મદદ કરી?. જો પોલીસ જ વૃદ્ધ દંપતિ પર અત્યાચાર કરશે તો ફરિયાદ કોને કરવી?. આવા પોલીસકર્મીઓ પર કડક કાર્યવાહી કેમ નથી કરાતી?. જે વૃદ્ધ દંપતિનું સન્માન ન કરે તે પોલીસકર્મી બીજાની શું સેવા કરશે?. પોલીસ ઇન્સ્પેક્ટર બની ગયા એટલે શું તમે કંઇ પણ કરશો?. તમે પોલીસકર્મી લોકોની સુરક્ષા અને સેવા માટે બન્યા છો ના દાદાગીરી માટે?. કોર્ટે આદેશ ન આપ્યો હોત તો શું પોલીસકર્મીઓ પર કાર્યવાહી કરાતી?. શું દરવખતે કોર્ટે જ કાર્યવાહીનો આદેશ આપવો પડશે પોલીસકર્મીઓ ખુદ કાર્યવાહી ન કરી શકે?.