માર્ગ અકસ્માતને પગલે ગુજરાત માટે આજનો દિવસ ગોજારો સાબિત થયો હતો.જેમાં સુરત, અમદાવાદ અને ગુજરાત-રાજસ્થાન બોર્ડર પર મેઘરજ નજીક અકસ્માતની ૩ ઘટના સામે આવી હતી. જેમાં ૬ લોકો કાળનો કોળીયો બની ગયાનું સામે આવ્યું છે.
Share
અરવલ્લીના મેઘરજના કાલીયા કૂવા નજીક અકસ્માત
સુરતના કામરેજના વિહાનથી ટીમ્બા ગામ નજીક અકસ્માતમાં ત્રણના મોત
અમદાવાદના ઈસનપુર ગોવિંદવાડી પાસે ગટરનું ઢાંકણું તૂટી જતા ટ્રકનો અકસ્માત
રાજ્યમાં દિવસેને દિવસે વધતી જતી અકસ્માતની ઘટનાએ સૌથી વધુ ચિંતાજનક બાબત ગણવામાં આવી રહી છે. છાશવારે માર્ગ અકસ્માતને પગલે અનેક લોકો કાળના ખપ્પરમાં હોમાઈ રહ્યા છે. વિકાસની હરણફાળ ભરતા ગુજરાતમાં અકસ્માતની ઘટનાનો ચિંતાજનક સિલસિલો અટકે તે જરૂરી છે. આવી સ્થિતિ વચ્ચે આજે અરવલ્લીના મેઘરજના કાલીયા કૂવા નજીકનો માર્ગ મરણચીસોથી ગુંજયો હતો. અકસ્માતમાં 3 યુવકના ઘટના સ્થળે જ મોત થયા છે. રાજસ્થાનની સરહદની સરથુણા ચોકડી નજીક કાળ બનેને આવેલ ડમ્પરે બાઈકને આડફેટે લેતા ધડાકાભેર ગંભીર અકસ્માત સર્જાયો હતો. જેમા મેઘરજના ડચકા બેલ્યો ગામના ત્રણ યુવકોના ઘટનાસ્થળે જ કમકમાટીભર્યા મોત નીપજયતા સમગ્ર પંથકમાં અરેરાટી સર્જાઈ હતી. સાથે એક ગ ગામના ત્રણ યુવાનોની આર્થી ઉઠતા કરુણ દ્રશ્યો સર્જાયા હતા. આ ઘટનાની જાણ થતાં મેઘરજ પોલીસે ઘટનાસ્થળે તપાસ અર્થે દોડી ગઇ હતી.
સુરત નજીક અકસ્માતમાં ત્રણ લોકોના મોત
બીજી બાજુ સુરતમાં ફરી એકવાર દર્દનાક અકસ્માતની ઘટના સામે આવી છે. જેમાં, સુરતના કામરેજના વિહાનથી ટીમ્બા ગામ તરફ જતા રસ્તા પર અકસ્માત સર્જાયો હતો. બેફામ ડમ્પર ચાલકે ત્રણ લોકોને કચડ્તા ત્રણેય વ્યક્તિના ઘટના સ્થળે જ કમકમાટીભર્યા મોત નિપજ્યાં હતા. ઘટનાની જાણ થતાં જ કામરેજ પોલીસની ટીમ સ્થળ પર પહોંચી હતી. કામરેજના વિહાનથી ટીમ્બા ગામ તરફ જતા રસ્તા પર અકસ્માત સર્જાયા બાદ અચાનક ડમ્પરમાં આગ લાગી હતી. ડમ્પર ખસેડતા સમયે અચાનક આગ લગતા તાત્કાલિક ફાયરની ટીમ દ્વારા સ્થળ પર પહોંચો પાણીનો મારો ચલાવી આગ પર કાબૂ મેળવાયો હતો. આ સાથે કામરેજ પોલીસ દ્વારા મૃતદેહોને પોસ્ટમોર્ટમ અંગે મોકલી આપી આ મામલે વધુ તપાસ શરૂ કરી છે.
અમદાવાદ ઈસનપુર ગોવિંદવાડી પાસે અકસ્માત
તો અમદાવાદમાં પણ અકસ્માતની ઘટના સામે આવી હતી. જેમાં અમદાવાદના ઈસનપુર ગોવિંદવાડી પાસે ગટરનું ઢાંકણું તૂટી જતા ટ્રકનો અકસ્માત સર્જાયો હતો ટરના ઢાંકણામાં ટાયર ફસાઇ જતા ટ્રક પલટી મારી ગયો હતો. સિમેન્ટ ભરેલી ટ્રક પલટી જતા રોડ પર ટ્રાફિકના દ્રશ્યો સર્જાયા હતા. જોકે સદનસીબે અકસ્માતમાં કોઈ જાનહાનિ ન થતા લોકોએ રાહતનો શ્વાસ લીધો હતો.
