- માંડવીના મોટી રાયણમાં કેનાલમાં ડૂબી જતા 3 ના મોત
- મહિલા તેના 2 દિકરાઓ સાથે કેનાલમાં ડૂબ્યા હતા
- સંજાલી ગામની નહેરમાં કાકા-ભત્રીજા ડૂબી જતા મોત નિપજ્યું હતું
- બંન્ને યુવકોના મૃતદેહ નહેર માંથી મળી આવ્યા
કચ્છનાં માંડવીના મોટી રાયણમાં કેનાલમાં ડૂબી જતા 3 ના મોત થયા હતા. ત્યારે મહિલા તેના 2 દિકરાઓ સાથે કેનાલમાં ડૂબ્યા હતા. નર્મદા કેનાલમાં ડૂબી જવાથી મોત થયા હતા. ત્યારે સમગ્ર ઘટનાને પગલે પોલીસે કાર્યવાહિ હાથ ધરી છે. ત્યારે આ ઘટનાની જાણ પરિવારજનોને થતા પરિવારજનો પર આભ તૂટી પડ્યું હતું.
મહિલાએ શા કારણથી આપઘાત કર્યો તે દિશામાં પોલીસે તપાસ હાથ ધરી
ઘટનાની જાણ પોલીસને થતા પોલીસે ઘટના સ્થળે પહોંચી લાશને પીએમ માટે હોસ્પિટલ ખાતે મોકલી હતી. ત્યારે કેનાલમાં મહિલા તેનાં બે દિકરાઓ સાથે અચાનક ડૂબી જવાની ઘટના બનતા સમગ્ર પંથકમાં અરેરાટી વ્યાપી જવા પામી હતી. ત્યારે પોલીસે મહિલાએ શા કારણથી આપઘાત કર્યો તે દિશામાં તપાસનાં ચક્રોગતિમાન કર્યા છે.
બંન્ને યુવકોના મૃતદેહ નહેર માંથી મળી આવ્યા
ભરૂચનાં સંજાલી ગામની નહેરમાં કાકા-ભત્રીજા ડૂબી ગયા હતા. કાકા-ભત્રીજાનાં મૃતદેહ નહેરમાંથી મળી આવ્યા હતા. કાકા-ભત્રીજા ખાનગી કંપનીમાં સાથે કામ કરતા હોવાનું તપાસમાં બહાર આવવા પામ્યું છે. ત્યારે નહેરમાં ન્હાવા ગયા તે સમયગાળા દરમ્યાન આ દુર્ઘટના બની હોવાનું સુત્રો દ્વારા જાણવા મળી રહ્યું છે. ત્યારે આ ઘટનાની જાણ આસપાસનાં લોકોને થતા લોકોએ તાત્કાલી ફાયર ફાઈટરને આ ઘટનાની જાણ કરી હતી. અને ફાયર ફાઈટરે ઘટના સ્થળે પહોંચી બે યુવકોની લાશને બહાર કાઢી હતી.
ઉંડાચ ગામે નદીમાં નાહવા પડેલા યુવકનું મૃત્યુ
નવસારીના બીલીમોરાનાં ઉંડાચ ગામો નદીમાં નાહવા પડેલા યુવકનું મૃત્યું થયું હતું. જેમાં ઉમેદ વસાવા નામના યુવકનું નદીમાં ડૂબી જવાથી મૃત્યું થયું હતું. આ ઘટનાની જાણ ફાયર વિભાગને થતા ટીમ ઘટના સ્થળે પહોંચી યુવકની શોધખોળ શરૂ કરી હતી. લાંબા સમયની શોધખોળ બાદ યુવકના મૃતદેહ મળી આવતા તેને પોસ્ટમોર્ટમ અર્થે હોસ્પિટલ ખસેડાયો હતો.
