મહેસાણા / કડીમાં 39.50 લાખની લૂંટ કરનાર ટોળકી ઝડપાઇ, ક્રાઇમ પેટ્રોલ, CID જેવી સિરીયલ જોઇ અંજામ આપ્યો, રોકડ રકમ ખેતરમાં સંતાડી

• કડીમાં થયેલી લૂંટનો ભેદ ઉકેલાયો
• LCBએ 5 લૂંટારૂને ઝડપી પાડ્યા 
• 39.50 લાખ રૂપિયા સાથે ટોળકી ઝડપાઈ

કડીમાં બે દિવસ અગાઉ ધોળા દિવસે થયેલી 39.50 લાખની લૂંટનો ભેદ ઉકેલાઈ ગયો છે. વિવિધ જિનિંગ મિલોમાંથી રૂપિયાની ઉઘરાણી કરીને ઓફિસે પરત ફરી રહેલા કડી બાલાજી બ્રોકર્સના મહેતાજીને લૂંટી લેવાયા હતા. મહેસાણા એલસીબીની ટીમે કડી તાલુકાના જ  3 યુવકોની ધરપકડ કરી ગણતરીના કલાકોમાં લૂંટનો ભેદ ઉકેલી દીધો છે.

ધોળા દિવસે લૂંટની ઘટના
કડીના સ્વસ્તિક ચેમ્બર્સમાં આવેલી બાલાજી બ્રોકર્સ નામની પેઢીના મહેતાજી સાથે ધોળા દિવસે થયેલી લૂંટની ઘટનામાં પોલીસ તંત્ર માટે પ્રતિષ્ઠાનો સવાલ બની ગયો હતો. જગદીશભાઈ પટેલ નામના મહેતાજી ગુરુવારે બપોરે કડી નાગરિક બેંક અને જિનિંગ તેમજ ઓઇલ મિલમાંથી હિસાબ પેટે લેવાના નીકળતા રૂ. 39.50 લાખ ઉપરાંતની રકમ તેમના સ્કૂટરની આગળ મૂકી ઓફિસ પરત જઈ રહ્યા હતા. તે સમયે મેઘના છાત્રાલય નજીક એક કારે પાછળથી તેમના સ્કૂટરને ટક્કર મારી હતી. અત્રે ઉલ્લેખનીય છે કે, આરોપીઓએ ક્રાઈમ પેટ્રોલ સિરિયલ જોઈને લૂંટનો પ્લાન બનાવ્યો હતો  

લૂંટનો પોલીસે ભેદ ઉકેલ્યો
તેમના સ્કૂટરને ટક્કર વાગતા તેઓ નીચે પટકાઈ ગયા હતાં તેઓ નીચે પડી જતાં પાછળથી બાઇક લઈને આવેલા બે અજાણ્યા શખ્સોએ સ્કૂટરના આગળના ભાગે મૂકેલ રૂ.52 લાખની રોકડ ભરેલો થેલો લૂંટી નાસી છૂટ્યા હતા.આ લૂંટનો પોલીસે ભેદ ઉકેલી નાખ્યો છે. પોલીસે કડી તાલુકાના રાજપુર ગામના ડાભીપરા વિસ્તારના 4 સહિત કુલ 5 શખ્સને ઝડપી લીધા છે. આ ટોળકીએ ક્રાઇમ પેટ્રોલ સિરિયલ જોઈ લૂંટ નો પ્લાન બનાવ્યો હતો

આરોપીઓના નામ
લૂંટમાં પકડાયેલ આરોપીઓના નામ ડાભી રાહુલસિંહ ભરતસિંહ રહે રાજપુર કડી તેમજ ડાભી સની લાભુજી રહે રાજપુર કડી અને ડાભી નરેન્દ્રસિંહ પ્રવિણસિંહ રહે રાજપુર કડી તેમજ ચૌહાણ નરેન્દ્રસિંહ ઉર્ફે અશ્વિન ગોટું અજીતસિંહ રહે મમતા સોસાયટી નાની કડી,  ડાભી કુલદીપસિંહ ઉર્ફે બબુ બળવંતસિંહ રહે રાજપુર કડી