કોરોના વાયરસ / દેશમાં 24 કલાકમાં કોરોનાના 43, 071 નવા કેસ, સતત 52માં દિવસે નવા કેસ કરતા સાજા થનારની સંખ્યા વધુ

• ગત 24 કલાકમાં 43, 071 નવા કોરોનાના કેસ નોંધાયા
• દેશમાં કુલ 4, 02, 005 લોકોના જીવ ગયા છે
• 24 કલાકમાં રસીના 63, 87, 849 ડોઝ અપાયા

ગત 24 કલાકમાં 43, 071 નવા કોરોનાના કેસ નોંધાયા

ભારતમાં કોરોનાના નવા મામલા સતત ઘટી રહ્યા છે. રવિવારે સંક્રમણના 43 હજાર નવા મામલા સામે આવ્યા છે.  ત્યારે 50 દિવસથી વધારે સમયથી નવા મામલાની સરખામણીએ સાજા થનારા દર્દીઓની સંખ્યા વધારે રહી. કેન્દ્રીય સ્વાસ્થ્ય મંત્રાલય તરફથી રવિવારે જારી તાજા આંકડા મુજબ ગત 24 કલાકમાં 43, 071 નવા કોરોનાના કેસ નોંધાયા છે.  આ દરમિયાન 955 દર્દીનો ઘાતક વાયરસના કારણે જીવ ગયો છે.  દેશમાં કુલ 4, 02, 005 લોકોના જીવ ગયા છે. 

 

એક્ટિવ કેસ ઘટીને 4, 85350 થઈ

નવા  મામલાની સાથે એક્ટિવ કેસ પણ ઝડપથી ઓછા થઈ રહ્યા છે. ભારતમાં એક્ટિવ કેસ ઘટીને 4, 85350 થઈ છે. જે કુલ મામલાના 1.59 ટકા છે. સ્વાસ્થ્ય મંત્રાલય મુજબ ગત 24 કલાક દરમિયાન 52, 299 દર્દી સાજા થયા છે જ્યારે અત્યાર સુધી 2, 96, 58, 078 લોકો વૈશ્વિક મહામારીને હરાવવામાં સફળ રહ્યા છે. ગત 24 કલાકમાં નવા મામલાની સરખામણીએ સાજા થનારાની સંખ્યા સતત 52માં દિવસે વધારે છે.

રિકવરી રેટ 97.09 ટકા થયો

રિકવરી રેટ વધીને 97.09 ટકા પર પહોંચી ગયો છે. અઠવાડિયાનો સંક્રમણનો દર વર્તમાનમાં 2.44 ટકા પર છે. જ્યારે દૈનિક સંક્રમણ દર 2.34 ટકા છે. જે સતત 27માં દિવસે 5 ટકાથી ઓછો રહ્યો છે.

24 કલાકમાં રસીના 63, 87, 849 ડોઝ અપાયા

દેશમાં રસીકરણ અભિયાનમાં તેજી જોવા મળી રહી છે. સરકારી આંકડા મુજબ ગત 24 કલાકમાં રસીના 63, 87, 849 ડોઝ આપવામાં આવ્યા. જ્યારે અત્યાર સુધી કુલ 35.12 કરોડ ડોઝ અપાઈ ચૂક્યા છે. ટેસ્ટિંગને પણ વધારવામાં આવી રહ્યા છે. કુલ 41. 82 કરોડ કોરોના ટેસ્ટ કરવામાં આવ્યા છે.