- રોજકોટની કાળજુ કંપાવી દેતી ઘટના
- માતાએ પડખુ ફેરવીને ઊંધી ગઇ
- માતાના પગ નીચે બાળક દબાઇ જતા મોત
ઘરે દિકરાનો જન્મ થયો હોય ત્યારે પરિવાર કેવો ખુશ હોય ? બાળકના માતા પિતા સહિત પરિવારજનોમાં એવો હરખ હોય કે ન પૂછો વાત. ઘરમાં કિલકારીઓ ગુંજી ઉઠી હોય અને દાદા દાદી અને માતા પિતા બનવાનો અનોખો ઉમંગ અતૂટ હોય. અને એકાએક એવી ઘટના બની જાય કે જે તમે સપનેય ન વિચાર્યુ હોય. આવુ જ બન્યુ રાજકોટમાં.
માતાના પગ નીચે બાળક દબાઇ જતા મોત
રાજકોટના જાણીયાણી પરિવારની આ વાત છે. ઘરમાં દિકરાનો જન્મ થયો હતો. પરિવાર દિકરાના આગમનથી ખુશખુશાલ હતો પરંતુ કુદરતને આ મંજૂર ન હતું. એકા એક એવી ઘટના બની ગઇ કે હાલ આ પરિવારે પોક મૂકીને રડવાનો વારો આવ્યો છે. 40 દિવસનું બાળક સુઇ ગયુ હતું, બાજુમાં તેની માતા પણ સુઇ ગઇ હતી. પરંતુ ઉંઘમાં ને ઉંઘમાં બાળકની માતાએ પડખુ ફેરવ્યુ અને તેના પગ નીચે જ 40 વર્ષનું બાળક દબાઇ ગયુ. કમનસીબે ફુલ જેવુ બાળત મોતને ભેટ્યું.
બાળકની માએ શરદીની દવા લીધી હતી
રાજકોટના કોઠારીયા રોડ પરના નીલકંઠ પાર્કનો આ બનાવછે. બાળકની માતાને શરદી થઇ હોવાથી તે દવા લઇને ઉંઘી ગઇ હતી. શરદીની દવા હોવાથી માતા એવી ઘસઘાસટ ઉંઘી ગઇ કે તેને કદાચ ધ્યાન જ ન રહ્યુ કે બાળક પણ તેની બાજુમાં સુતુ છે. માતા પડખુ ફેરવીને સુઇ ગઇ અને બાળક તેના પગ નીચે દબાઇ ગયુ. 40 દિવસનું બાળક તો કોમળ ફુલ જેવુ હોય. બાળકનો શ્વાસ રુંધાઇ જતા બાળકનું એરેરાટીભર્યુ મોત નીપજ્યુ. મૃતક બાળકનું નામ વેદ જાણીયાણી હોવાનું સામે આવ્યું છે. સમગ્ર ઘટનાને લઇને પરિવારમાં ભારે શોકની લાગણી ફરી વળી છે. માતાના આંખમાંથી આંસુ રોકાવાનુ નામ નથી લઇ રહ્યા. એક બાળકના આગમનને લઇને માતા પિતાના મનમાં રહેલા સમણાં પળવારમાં જ ચકનાચૂર થઇ ગયા..
પુત્રને તાત્કાલિક હોસ્પિટલ લઈ જવાયો હતો
શનિવારે રાત્રે માતા કાજલબેન શરદીની દવા લઇને સૂઇ ગયા હતા. બાળકને શરદીનો ચેપ ન લાગે તે માટે તેમણે વેદને થોડો કમર પાસે સુવડાવ્યો હતો. જો કે રવિવારે વહેલી સવારે પતિ રવિભાઇએ જ્યારે પુત્રની સ્થિતિ જોઇ તો ચોંકી ગયા. માતા કાજલબેનના પગ નીચે વેદ દબાયેલો જોવા મળતા તેમણે પુત્રને બહાર કાઢ્યો અને તાત્કાલિક હોસ્પિટલ લઇ ગયા. જ્યાં પરંતુ ડોક્ટરે તેને મૃત જાહેર કર્યો. સમગ્ર ઘટનાને પગલે માતા પિતાના હૈયાફાટ રુદનથી શોકની લાગણી ફરી વળી હતી.
