- વર્લ્ડ કપની સેમી ફાઈનલની ચોથી ટીમ માટે 3 ટીમો વચ્ચે જંગ
- પાકિસ્તાન ન્યૂઝીલેન્ડ અને અફઘાનિસ્તાને તેની છેલ્લી મેચ જીતવી પડે
- અફઘાનિસ્તાનની શક્યતા ઓછી
- પાકિસ્તાન કે ન્યૂઝીલેન્ડ આવી શકે
ફાઈનલની જીત એટલે સેમી ફાઈનલ માટે રમી રહેલી 3 ટીમો, પાકિસ્તાન-અફઘાનિસ્તાન અને ન્યૂઝીલેન્ડ તેની પોતપોતાની છેલ્લી મેચ જીતે અને બાકીની ટીમો મોટા અંતરથી હારે તો જ કોઈ એક સેમી ફાઈનલમાં ભારત સામે આવી શકે છએ.
ન્યૂઝીલેન્ડ સેમી ફાઈનલમાં કેવી રીતે પહોંચી શકે
ન્યુઝીલેન્ડના હાલમાં 8 પોઈન્ટ છે અને શ્રીલંકા સાથે તેની આખરી મેચ બાકી છે. આ મેચ 9 નવેમ્બરે બેંગલુરુમાં યોજાવાની છે. અને અહીં વરસાદની આગાહી કરવામાં આવી છે. આવી સ્થિતિમાં ન્યુઝીલેન્ડ માત્ર તેના પર્ફોમન્સ પર જ મદાર નથી રાખી રહ્યું. જો ન્યુઝીલેન્ડ શ્રીલંકા સામે હારી જાય તો તેમના માટે સેમિ ફાઈનલમાં પ્રવેશવાનો એકમાત્ર રસ્તો એ રહેશે કે, પાકિસ્તાન અને અફઘાનિસ્તાન પોતપોતાની મેચો હારી જાય. આ કિસ્સામાં, નેટ રન રેટની ભૂમિકા વધશે. સાથે જ જો વરસાદને કારણે આ મેચ ધોવાઇ જાય તો ન્યૂઝીલેન્ડને 9 પોઇન્ટ મળશે અને જો આવી સ્થિતિમાં અફઘાનિસ્તાન અને પાકિસ્તાન હારી જાય છે તો ન્યૂઝીલેન્ડને આરામથી સેમીફાઇનલની ટિકિટ મળી જશે. ન્યૂઝીલેન્ડનો નેટ રનરેટ સારો છે. જો ત્રણેય ટીમો પોતપોતાની મેચ હારે કે જીતે તો ન્યૂઝીલેન્ડને સેમીફાઈનલમાં પહોંચવાની સારી તક રહેશે.
અફઘાનિસ્તાનનું પહોંચવું અઘરું
અફઘાનિસ્તાન માટે હવે સેમિ ફાઈનલમાં પ્રવેશવું ખુબ જ મુશ્કેલ બની ગયું છે. તેની છેલ્લી લીગ મેચ દક્ષિણ આફ્રિકા સામે છે. જો તેઓ સાઉથ આફ્રિકાને હરાવશે તો તેમના 10 પોઈન્ટ થઈ જશે. પરંતુ ન્યૂઝીલેન્ડ અને પાકિસ્તાન પણ 10 પોઇન્ટ સુધી પહોંચી શકે છે. અફઘાનિસ્તાનનો નેટ રનરેટ પણ ઘણો ઓછો છે. આવી સ્થિતિમાં તેમને વધારાની મદદની જરૂર પડશે. અફઘાનિસ્તાને ન માત્ર દક્ષિણ આફ્રિકાને મોટા અંતરથી હરાવવું પડશે, પરંતુ એ પણ આશા રાખવી પડશે કે ન્યૂઝીલેન્ડ અને પાકિસ્તાન મોટા અંતરથી હારે. અને જો ન્યુઝીલેન્ડ અને પાકિસ્તાન પોતપોતાની મેચ હારે તો પછી સાઉથ આફ્રિકા સામેનો કોઈ પણ વિજય અફઘાનિસ્તાનને સેમિ ફાઈનલમાં પહોંચાડી દેશે. જો ત્રણેય ટીમો હારી જાય તો અફઘાનિસ્તાન માટે સેમિ ફાઈનલમાં પહોંચવું અત્યંત મુશ્કેલ બની જશે કારણ કે તેમનો નેટ રનરેટ નેગેટિવ (-0.338)માં છે.
પાકિસ્તાન પહોંચી શકે પણ એક સમીકરણ બને તો
પાકિસ્તાન માટે સારી બાબત એ છે કે, જ્યારે તે ઈંગ્લેન્ડ સામે તેમની આખરી લીગ મેચ રમશે, ત્યારે ન્યુઝીલેન્ડ અને અફઘાનિસ્તાન વચ્ચે મેચ રમાશે. આવી સ્થિતિમાં તેઓ સ્પષ્ટપણે જાણી જશે કે, સેમિ ફાઈનલમાં પ્રવેશવા માટે તેણે શું કરવાનું છે. પાકિસ્તાનની ટીમ ઈચ્છશે ન્યૂઝીલેન્ડ અને અફઘાનિસ્તાન પોતપોતાની મેચ હારે. આવી સ્થિતિમાં પાકિસ્તાન ઈંગ્લેન્ડને હરાવીને સેમિ ફાઈનલમાં પ્રવેશ મેળવશે.પણ જો ન્યુઝીલેન્ડ જીતે અને અફઘાનિસ્તાન હારે તો પાકિસ્તાને ઈંગ્લેન્ડ સામે જંગી અંતરથી જીતવું પડે તેમ છે કારણ કે તેમનો નેટ રનરેટ ન્યુઝીલેન્ડ કરતાં ઓછો છે. જો અફઘાનિસ્તાન પણ ન્યૂઝીલેન્ડની સાથે પોતાની છેલ્લી મેચ જીતશે તો તે સ્થિતિમાં પણ પાકિસ્તાને મોટી જીત મેળવવી પડશે.
