ગજબ / ઉમરગામ ઇન્ડસ્ટ્રીઅલ એસોસીએશનની 24મીએ ચૂંટણી, એક પેનલ પર બોગસ મતદાર યાદીનો આક્ષેપ

• ઉમરગામ ઇન્ડસ્ટ્રીઅલ એસો.ની ચૂંટણી 
• ચૂંટણીમાં ભાજપ વિરુદ્ધ ભાજપનો ખેલ
• ઔદ્યોગિક વર્તુળમાં ખળભળાટ, ચર્ચા 

વલસાડ જિલ્લાની ઉમરગામ ઇન્ડસ્ટ્રીઅલ એસોસીએશનની આગામી 24 મી માર્ચે  ચૂંટણી યોજાઈ રહી છે . ત્યારે ઉમરગામ જીઆઈડીસી માં આવેલા 1200થી વધુ ઉદ્યોગોનું સામૂહિક પ્રતિનિધિત્વ કરતી ઉમરગામ ઇન્ડસ્ટ્રીઅલ એસોસીએશન ની યોજાઇ રહેલી આ ચૂંટણીમાં industrialist નામની પેનલએ UIA ની ચૂંટણી માટે બની રહેલી મતદારયાદીમાં બોગસ મતદારો બનાવવામાં આવી રહ્યા હોવાના ગંભીર આક્ષેપો કર્યા છે. આક્ષેપોને લઈ ઉમરગામના ઔદ્યોગિક વર્તુળમાં ખળભળાટ મચી ગયો છે. કારણ કે આ ચૂંટણીમાં ભાજપના જ કેટલાક અગ્રણીઓ બંને પેનલમાં ઉમેદવાર તરીકે ચૂંટણી મેદાનમાં છે .

આ ચૂંટણીમાં  ભાજપ વર્સીસ ભાજપનો માહોલ જેવો માહોલ જોવા મળી રહ્યો છે. ત્યારે શિક્ષિત અને હોશિયાર ઉદ્યોગપતિ મતદારો ધરાવતી આ ચૂંટણીની મતદાર યાદીમાં બોગસ મતદારો બનાવવામાં  આવી રહ્યા હોવાના એક પેનલે કરેલા ગંભીર આક્ષેપો બાદ  બંને પેનલના અગ્રણીઓ યુ.આઈ.એ ની   ઓફિસે જમાવડો જોવા મળ્યો હતો. સાથે જ આ ચૂંટણીમાં મતદાર તરીકે નામ નોંધાવવા તથા ફી ભરવાનો અંતિમ દિવસ હતો . અને મતદાર યાદી તૈયાર થવાના અંતિમ દિવસે જ  પેનલે બોગસ મતદાર યાદી બનાવવામાં આવી રહી હોવાના કરેલા ગંભીર આક્ષેપો ને લઇ મુદ્દો ઉમરગામના ઉદ્યોગોમાં ચર્ચાનું કેન્દ્ર બન્યો છે.

બોગસ મતદાર યાદી અંગે આક્ષેપો કરતી પેનલના અગ્રણીઓએ યુઆઈએ ની ચૂંટણી યોજી  રહેલી ચૂંટણી કમિટીને મતદારયાદીમાંથી બોગસ મતદારો રદ કરવા લેખિત રજૂઆત કરી છે. તો એક પેનલ દ્વારા થયેલી ગંભીર રજૂઆત અને આક્ષેપોને ગંભીરતાથી લઇ યુઆઇએની ચૂંટણી કમિટીએ આ બાબતે આક્ષેપો ફગાવ્યા હતા.. અને જો આવા કોઈ બાબત ધ્યાનમાં આવશે તો તે અંગે કાર્યવાહી કરવાની પણ ખાતરી આપી હતી..