- ઓલંપિક્સ 2028માં 5 ગેમ્સ શામેલ કરવાનો પ્રસ્તાવ
- 128 વર્ષો બાદ ઓલંપિક્સની ગેમ્સમાં ક્રિકેટ શામેલ
- કમિટીનાં નિર્ણય પાછળ કિંગ કોહલીનું મહત્વનું યોગદાન
1900ની સાલમાં ઓલિમ્પિકમાં ક્રિકેટનો સમાવેશ કરવામાં આવ્યો હતો. આ પછી હવે 2028માં ઓલિમ્પિકમાં ફરી ક્રિકેટનો સમાવેશ કરવામાં આવશે જેનો શ્રેય કિંગ કોહલીને જાય છે. લોસ એન્જલસમાં 2028 ઓલિમ્પિક માટે 5 નવી ગેમ્સમાં ક્રિકેટનો પણ સમાવેશ કરવામાં આવ્યો છે જેના માટે સોમવારે મતદાન કરવામાં આવ્યું હતું. મુંબઈમાં જ્યારે આ વિષયે વોટિંગ કરવામાં આવી તે સમયે બેટર વિરાટ પર ગહન ચર્ચા થઈ હતી. તેમના ડેડિકેશન અને પર્ફોર્મન્સની ચર્ચા બાદ ક્રિકેટને ઓલંપિક 2028માં શામેલ કરવામાં આવી. આવી રીતે કિંગ કોહલીએ આ ઐતિહાસિક નિર્ણયમાં યોગદાન આપ્યું હતું.
કોહલીની જબરદસ્ત ફેન ફોલોઈંગ
વિરાટ કોહલી સોશિયલ મીડિયા પર સૌથી વધુ ફોલોર્સ ધરાવતાં દુનિયાનાં ત્રીજા એથલીટ છે. ઓલંપિક ગેમ્સમાં ક્રિકેટ ટી20 ફોર્મેટમાં રમવામાં આવશે. આ સિવાય ઈંટરનેશનલ ઓલંપિક કમિટીએ પોતાનાં 141માં સત્રમાં જે અન્ય ગેમ્સને શામેલ કરવાની મંજૂરી આપી તેમાં સ્ક્વૉશ,બેઝબૉલ, લેક્રોઝ અને ફ્લેગ ફુટબૉલ શામેલ છે.
કોહલીની ફેન ફોલોઈંગ
ઈટલીનાં ઓલંપિક ચેમ્પિયન શૂટર અને LA28 સ્પોર્ટસ ડાયરેક્ટર નિકોલો કેમ્પ્રિયાનીએ કહ્યું કે, 'મને લાગે છે કે અહીં મારો મિત્ર વિરાટ કોહલી છે. જેના સોશિયલ મીડિયા પર 340 મિલિયન ફોલોઅર્સ છે. તે સૌથી વધારે ફોલોઅર્સ ધરાવતાં એથલીટ્સમાં ત્રીજા સ્થાન પર છે. લેબ્રો જેમ્સ, ટોમ બ્રેડી અને ટાઈગર વુડ્સના કુલ ફોલોઅર્સ કરતાં પણ વધારે ફોલોઅર્સ કોહલીનાં છે. આ LA28 માટે વિન વિન સિચુએશન છે.'
128 વર્ષો બાદ ઓલંપિકમાં ક્રિકેટની વાપસી
લૉસ એન્જલસ-28 આયોજન સમિતિ દ્વારા 5 ગેમ્સને શામેલ કરવાનાં પ્રસ્તાવમાં IOCનાં 99 સદસ્યોમાંથી વોટ કરનારાં માત્ર 2 સદસ્યોએ ક્રિકેટને શામેલ ન કરવા અંગેની વાત કરી હતી. કાર્યકારી બોર્ડની ભલામણ પર હાથ ઊંચો કરીને મતદાન કરવા માટે કહેવામાં આવ્યું હતું. આ બાદ IOC અધ્યક્ષ થૉમસ બાખે અન્ય ગેમ્સની સાથે ક્રિકેટને પણ ઓલંપિકમાં શામેલ કરવાની ઘોષણા કરી હતી. આ પહેલાં ઓલંપિકમાં માત્ર એકવાર ક્રિકેટ રમવામાં આવી હતી. 1900ની સાલમાં પેરિસ ઓલંપિકમાં ઈંગ્લેન્ડે ફ્રાંસને માત આપીને ગોલ્ડ મેડલ જીત્યું હતું.
