કાર્યવાહી / રાજકોટમાં અડધી રાત્રે ગુપ્તી સાથે બાઈક પર સ્ટંટ કરતા 10 લુખ્ખાતત્વો થયા જેલ ભેગા, VIDEO થયો હતો વાયરલ

• રાજકોટના BRTS રૂટ પર સ્ટંટ ટોળકીનો આતંક 
• હથિયાર સાથે બાઇક પર કર્યા સ્ટંટ 
• વાયરલ વીડિયોને લઈ પોલીસે શરૂ કરી તપાસ

ગુજરાતમાં ગુનાખોરીનું પ્રમાણ વધી રહ્યું છે. દાદાગીરી, લૂંટફાટ અને લુખ્ખાતત્વોને જાણે કોઇનો ડર જ ન હોય તેમ છાકટા થઇને ફરી રહ્યા છે. ત્યારે  રાજકોટનો એક વીડિયો સામે આવ્યો છે જે પોલીસની નાઇટપેટ્રોલિંગની પોલ ખોલી રહ્યો છે. જો કે વીડિયોવાયરલ થતા પોલીસે તમામની ધરપકડ કરીને વધુ તપાસ હાથ ધરી છે. ત્યારે આવો જાણીએ  ટોળકીએ એવું તો શું કર્યુ કે પોલીસ દોડતી થઇ ગઇ. 

BRTS રૂટ પર તોફાની તત્વોનો આતંક

આજકાલ લોકો બર્થ ડે કે અન્ય કોઇ મહત્વનો દિવસ કેવી રીતે યાદગાર બની રહે તે માટે નિતનવા અખતરા કરવામાં આવતા હોય છે. જો કે આ બધા વીડિયો સોશિયલ મીડિયામાં પળવારમાં જ ફરતા થઇ જાય. પરંતુ ઘણીવાર તો કેટલાક લોકોને પોલીસનો પણ ડર ન હોય તેમ બેફામ થઇને ઉજવણી કરતા હોય છે. ત્યારે આવો જ વીડિયોસામે આવ્યો રાજકોટનો. જ્યાં 150 ફૂટ બીઆરટીએસ રૂટ પર હથિયાર ધારી ટોળકી સ્ટંટ કરતી જોવા મળી રહી છે.

પોલીસે શરૂ કર્યો તપાસનો ધમધમાટ 

હથિયારો લઇને છાકટા થયેલા લવરમૂછીયાની ટોળકી બર્થ ડે સેલિબ્રેશન કરી રહી છે. સૌ કોઇ બીઆરટીએસ રૂટ પર એકઠા થઇને કેક કાપે છે તેમજ જાહેર માર્ગો ખાનગીહોય એ રીતે મોટા અવાજે મ્યુઝિક વગાડીને સ્ટંટ કરતા જોવા મળી રહ્યાછે. આ વીડિયો વાયરલ થતા  પોલીસ પણ આ ટોળકીને શોધવા તપાસના ચક્રોગતિમાન કર્યા હતા. આખરે માલવીયાનગર પોલીસે છાકડા બનેલી ટોળકીને ઝડપી પાડી છે. કુલ 10 આરોપીઓની ધરપકડ કરવામાં આવી છે.