બિઝનેસ / ભારતીય મૂળના આ શખ્સે છોડી 6.5 કરોડની સેલરીવાળી નોકરી, કારણ જાણીને ચોંકી જશો

• ભારતીય મૂળના આ વ્યક્તિ રૂ. 6.5 કરોડથી વધુની નોકરી છોડી દીધી હતી
• ફેસબુક માટે કામ કરતા હતા સાઉથ એશિયન એન્જિનિયર રાહુલ પાંડે
• મારું પોતાનું સ્ટાર્ટઅપ સેટ કરવા માટે મેટા છોડી દીધું

સામાન્ય રીતે દરેક લોકો સારી રીતે અભ્યાસ કરે છે જેથી તેઓ સારી નોકરી મેળવી શકે. અને ઘણા લોકો અભ્યાસ પછી સારું પેકેજ મેળવીને વાર્ષિક લાખો રૂપિયા કમાય છે. હવે આટલો પગાર મેળવ્યા પછી લોકો પોતાને સફળ માને છે પરંતુ નોકરી એ નોકરી જ કહેવાય. આવો જ એક કિસ્સો પ્રકાશમાં આવ્યો છે, જ્યાં એક ભારતીય મૂળના વ્યક્તિએ કરોડો રૂપિયાની નોકરી છોડી દીધી હતી પણ શા માટે? જાણો 

ભારતીય મૂળના એન્જિનિયર રાહુલ પાંડેએ મેટાની ટેક ટીમનું નેતૃત્વ કર્યા પછી અને મેનેજર તરીકે પાંચ વર્ષ ગાળ્યા બાદ 2022માં રૂ. 6.5 કરોડથી વધુની નોકરી છોડી દીધી હતી. કેલિફોર્નિયામાં ફેસબુક માટે કામ કરતા સાઉથ એશિયન એન્જિનિયરે જણાવ્યું હતું કે ત્યાં કામ કરતી વખતે તેમને ભારે તણાવનો સામનો કરવો પડ્યો હતો.

હવે પાંડેએ સોશિયલ મીડિયા પ્લેટફોર્મ LinkedIn પર આનું કારણ સમજાવ્યું છે. તેણે લખ્યું, 'મારી સફર 100 ડોલરની નોટો ગણવા જેટલી સામાન્ય નહોતી. હકીકતમાં, ફેસબુકમાં જોડાયા પછીના પ્રથમ છ મહિના હું અત્યંત બેચેન હતો. એક વરિષ્ઠ ઈજનેર તરીકે, મેં ઈમ્પોસ્ટર સિન્ડ્રોમનો અનુભવ કર્યો અને કંપનીના કલ્ચર અને ટૂલિંગને સ્વીકારવા માટે સંઘર્ષ કર્યો હતો.'

આ સાથે રાહુલે કહ્યું કે તેણે તેની સાથે કામ કરતા લોકો પાસેથી કોઈપણ પ્રકારની મદદ નહતી લીધી કારણ કે તેને લાગ્યું કે તેનાથી તે એક એવા વ્યક્તિ તરીકે અલગ થઈ જશે જે સિનિયર એન્જિનિયર બનવા માટે લાયક નથી. 

મારું પોતાનું સ્ટાર્ટઅપ સેટ કરવા માટે મેટા છોડી દીધું
તેમને આ વિશે વાત કરતા કહ્યું, 'ફેસબુકમાં મારા છેલ્લા વર્ષમાં, હું મેનેજરની ભૂમિકામાં આવ્યો અને ત્રણ વર્ષ સુધી એક જ સંસ્થામાં રહીને ટીમ બદલી. 2021 સમાપ્ત થતાંની સાથે જ, મેં મેટાથી આગળની દુનિયાની શોધખોળ શરૂ કરી. તેમણે વધુમાં ઉમેર્યું હતું કે ટેકમાં લગભગ દસ વર્ષ પછી, તેમણે અમુક અંશે નાણાકીય સ્વતંત્રતા હાંસલ કરી છે અને અનુભવ્યું છે કે તેઓ એન્જિનિયરિંગથી આગળ કેટલું વધુ શીખી શકે છે. આખરે 2022 માં, રાહુલ પાંડેએ Meta છોડી દીધું અને પોતાનું સ્ટાર્ટઅપ, Taro ની સ્થાપના કરી. તેનો હેતુ અન્ય સોફ્ટવેર એન્જિનિયરોને આગળ વધારવામાં મદદ કરવાનો પણ હતો.