વિશ્વ / જીવ લેતો ઘાતક વાયરસ.! દર વર્ષે કેમ ઉજવાય છે વિશ્વ હડકવા દિવસ, જાણો ઉદ્દેશ્ય, થીમ અને ઈતિહાસ

• દરવર્ષે 28 સપ્ટેમ્બરનાં રોજ વર્લ્ડ રેબીઝ ડે ઊજવાય છે
• રેબીઝ બીમારીની જાગરૂતા ફેલાવવાનો ઉદેશ્ય
• આ વર્ષે 17મો વર્લ્ડ રેબીઝ ડે ઊજવાઈ રહ્યો છે

આજે વિશ્વ રેબીઝ ડે છે.  રેબીઝ (હડકવાનો રોગ) એક વાયરલ ઘાતકી બીમારી છે. આ સામાન્યરીતે શ્વાન કે અન્ય જંગલી જાનવરોનાં કાપવાથી ફેલાય છે. આ જીવલેણ બીમારી વિશે લોકોને અવેર કરવા માટે દરવર્ષે 28 સપ્ટેમ્બરનાં રોજ વર્લ્ડ રેબીઝ ડે ઊજવવામાં આવે છે.  આ વર્ષે 17મો વર્લ્ડ રેબીઝ ડે ઊજવાઈ રહ્યો છે.

વર્લ્ડ રેબીઝનો અર્થ અને મહત્વ
વર્લ્ડ રેબીઝ ડે ઊજવવાનો ઉદેશ્ય આ જીવલેણ બીમારીને અટકાવવાનો છે. રેબીઝ સૌથી વધારે જંગલી જાનવરોમાં જોવા મળે છે અને હાલમાં સંયુક્ત રાજ્ય અમેરિકામાં આ બીમારી ઘણી કોમન છે. જો કે અન્ય દેશોમાં શ્વાનનાં કાપવા પર રેબીઝ થાય છે. જો કે રેબીઝને કંટ્રોલ કરી શકાય છે. ચોંકાવનારી બાબત તો એ છે કે રેબીઝનાં કારણે દરવર્ષે લગભગ 60000 લોકોનું મોત થાય છે.

વર્લ્ડ રેબીઝ ડેનો ઈતિહાસ
પહેલીવખત વર્લ્ડ રેબીઝ ડે ઊજવવાની ઘોષણા 2007માં ગ્લોબલ એલાયંસ ફોર રેબીઝ કંટ્રોલ દ્વારા કરવામાં આવી હતી. આ બાદ WHO દ્વારા તેનું સમર્થન પણ કરવામાં આવ્યું. ફ્રેન્ચ કેમિસ્ટ અને માઈક્રોબાયોલોજિસ્ટ લુઈ પાશ્વરનું મૃત્યુ 28 સપ્ટેમ્બરનાં થયું હતું. તેમણે 1885ની સાલમાં રેબીઝની વેક્સિન બનાવી હતી. આ જ કારણ છે કે દરવર્ષે આ દિવસે વિશ્વ રેબીઝ ડે ઊજવવામાં આવે છે.

વિશ્વ રેબીઝ દિવસની થીમ
દર વર્ષે વિશ્વ રેબીઝ દિવસને એક નવી થીમ સાથે ઉજવવામાં આવે છે. આ વર્ષે હડકવા દિવસની થીમ છે,  ‘All for 1, One Health for all’.