નિવેદન / હિજાબ નથી પહેરતી એટલે મહિલાઓના રેપ થાય છે- આ નેતાનું શરમજનક નિવેદન, મોટા વિવાદના એંધાણ

• કર્ણાટક કોંગ્રેસના વરિષ્ઠ નેતા ઝમીર અહેમદનો દાવો
• હિજાબ ન પહેરવાને કારણે મહિલાઓના થાય છે રેપ
• હિજાબ મહિલાઓની સુંદરતાા છુપાવવા માટે છે

હિજાબ વિવાદમાં દિવસેને દિવસે નવો વળાંક આવી રહ્યો છે. હવે આ મુદ્દે નવો એંગલ આપતા કર્ણાટક કોંગ્રેસના વરિષ્ઠ નેતા ઝમીર અહેમદે દાવો કર્યો છે કે ભારતમાં રેપનો દર દુનિયામાં 'સૌથી વધુ' છે. એનું કારણ એ હતું કે મહિલાઓ ઇસ્લામિક ડ્રેસ હિજાબ નથી પહેરતી એટલે રેપ વધારે થાય છે.

#WATCH | Hijab means 'Parda' in Islam...to hide the beauty of women...women get raped when they don't wear Hijab: Congress leader Zameer Ahmed on #HijabRow in Hubli, Karnataka pic.twitter.com/8Ole8wjLQF

— ANI (@ANI) February 13, 2022

શરીરને ઉઘાડુ રાખવાથી રેપ થાય છે 
અહેમદે કહ્યું કે હિજાબ એક છોકરીની સુંદરતાને ઢાંકી રાખે છે. તે તેની સુંદરતાને છુપાવે છે." તેમણે કહ્યું, હું માનું છું કે, આજે ભારતમાં, બળાત્કારનો દર સૌથી વધુ છે. શું છે કારણ? કારણ કે સ્ત્રીઓ ગોશ-એ-પરદા (હિજાબ)ને આધીન હોતી નથી. તે આજથી નથી અને તે ફરજિયાત પણ નથી. જેને પહેરવું હોય તેની સુંદરતાને બચાવવા માટે તેઓ તેને પહેરે છે અને તે આજથી નથી. આ વાતને ઘણાં વર્ષો વીતી ગયાં છે.

કેરળના રાજ્યપાલ આરિફ મોહમ્મદના નિવેદનથી અસહમત

બેંગલુરુમાં ચમારજપેટ મતવિસ્તારનું પ્રતિનિધિત્વ કરતા અને નેશનલ ટ્રાવેલ્સના માલિક શક્તિશાળી ટ્રાન્સપોર્ટર એવા 4 વખતના કોંગ્રેસના ધારાસભ્ય હિજાબ પર કેરળના રાજ્યપાલ આરિફ મોહમ્મદ ખાનના નિવેદનનો જવાબ આપી રહ્યા હતા. આરિફ મોહમ્મદ ખાને અગાઉ કહ્યું હતું કે હિજાબ ઇસ્લામમાં "આંતરિક" અને "જરૂરી" નથી. ઝમીર અહેમદે કહ્યું કે તેઓ આરિફ મોહમ્મદ ખાનની કેટલીક દલીલોથી અસહમત છે. "મને સમજાતું નથી કે તેમણે (આરિફ મોહમ્મદ ખાને) આવું કેમ કહ્યું. ઈસ્લામમાં હિજાબ ગોશ-એ-પરદા છે. કદાચ, તેમના (આરીફ મોહમ્મદ ખાન)ના ઘરમાં કોઈ સ્ત્રી કે છોકરી નથી. જો તેના ઘરમાં કોઈ સ્ત્રી હોત તો તેમને ખબર પડેત.