Pitch Black / ઑસ્ટ્રેલિયા કેમ પહોંચી ગયા ભારતના સુખોઈ ? દુનિયાભરની વાયુસેના ભેગી થઈને આપી રહી છે કડક સંદેશ

• ઑસ્ટ્રેલિયામાં દુનિયાભરની વાયુસેના ભેગી થઈને આપી રહી છે કડક સંદેશ 
• તમામ ફાઈટર એરક્રાફ્ટ  આંતરરાષ્ટ્રીય કવાયત Pitch Black 2022માં ભાગ લેશે
• યુદ્ધાભ્યાસ 19 ઓગસ્ટ 2022 થી 8 સપ્ટેમ્બર 2022 સુધી ચાલશે

ભારતીય વાયુસેનાના ચાર સુખોઈ ફાઈટર એરક્રાફ્ટ અને બે C-17 ગ્લોબમાસ્ટર-III વિદેશી આકાશમાં તાકાત બતાવવા ઓસ્ટ્રેલિયાના ડાર્વિન શહેરમાં ઉતર્યા છે. આ તમામ ફાઈટર એરક્રાફ્ટ ઓસ્ટ્રેલિયામાં આયોજિત આંતરરાષ્ટ્રીય કવાયત Pitch Black 2022માં ભાગ લેશે. તમને જણાવી દઈએ કે, આ કવાયત 19 ઓગસ્ટ 2022 થી 8 સપ્ટેમ્બર 2022 સુધી ચાલશે. 

આ કવાયતમાં ભારત અને અમેરિકા સહિત 17 દેશો ભાગ લઈ રહ્યા છે. જેમાં 2500 જવાન અને 100 ફાઈટર એરક્રાફ્ટ વિવિધ પ્રકારના મિશનમાં પોતાની તાકાતનું પ્રદર્શન કરશે. તમને જણાવી દઈએ કે, કોરોના મહામારીના કારણે આ કવાયત ચાર વર્ષ બાદ કરવામાં આવી રહી છે.

#ExPitchBlack22#IAF & 16 other Air Forces will be participating with over 100 aircraft & 2500 military personnel for one of the biggest military exercises in the southern hemisphere.

Watch this space for more updates from the Land Down Under.@AusAirForce#GameOn pic.twitter.com/y0a0lOJsJO

— Indian Air Force (@IAF_MCC) August 19, 2022

Pitch Black યુદ્ધાભ્યાસનો હેતુ શું છે 

આ યુદ્ધાભ્યાસનો હેતુ મુખ્યત્વે ચીન સામે એકત્ર થવાનો છે. આ સિવાય ક્વાડ દેશોમાં સંબંધોને વધુ મજબૂત કરવાની કવાયત ચાલી રહી છે. તમને જણાવી દઈએ કે, આ વખતે ચીન જે રીતે સાઉથ ચાઈના સીની નજીક તાઈવાનને ઘેરી રહ્યું છે, તેમાં Pitch Black પેંતરા ખૂબ જ મહત્વપૂર્ણ માનવામાં આવે છે.

શું છે આ Pitch Black યુદ્ધાભ્યાસ  

આ યુદ્ધાભ્યાસ દર બે વર્ષે હાથ ધરવામાં આવે છે. આ વખતે આ યુદ્ધાભ્યાસ રોયલ ઓસ્ટ્રેલિયન એરફોર્સ દ્વારા કરવામાં આવી રહી છે અને તે અહીં ડાર્વિન શહેરમાં યોજાઈ રહી છે. ભારત ઉપરાંત જર્મની, બ્રિટન, ફ્રાન્સ, ઈન્ડોનેશિયા, ફિલિપાઈન્સ, મલેશિયા, દક્ષિણ કોરિયા, ઓસ્ટ્રેલિયા, ભારત, અમેરિકા, અને જાપાનીઝ વાયુસેના ભાગ લઈ રહી છે.