સરકાર / મોદી મંત્રીમંડળમાં અમિત શાહ-સ્મૃતિ સહિત આ 9 નામ સૌથી આગળ

આપને જણાવીએ કે વડાપ્રધાન નરેન્દ્ર મોદી એક આચાર સંહિતાનું પાલન કરે છે. જેમા મંત્રી પરિષદમાં 75 વર્ષતી વધારે ઉંમરના નેતા હોતા નથી. કદાચ આ કારણ જ છે કે મુરલી મનોહર જોશી અને યશવંત સિન્હા જેવા કદાવર નેતાઓ 2014માં તેમના મંત્રીમંડળમાં સામેલ કરવામાં આવ્યા નહોતા. જોકે, હજુ સુધી પાર્ટી કે પાર્ટીના કોઇ નેતા દ્વારા આ મામલે પુષ્ટી કરવામાં આવી નથી કે મંત્રીમંડળમાં કોનો સમાવેશ થશે. જોકે અહીં આપેલા  નવ નામ એવા છે જેનો કેબિનેટમાં સમાવેશ થઇ શકે છે.

1) અમિત શાહ
બીજેપીના રાષ્ટ્રીય અધ્યક્ષ, લાંબા સમયથી મોદીના વિશ્વાસું. મોદી 2.0 કેમ્પેનના સૂત્રધાર

2) રાજનાથ સિંહ
કેન્દ્રીય ગૃહ મંત્રી, વર્તમાન સરકારમાં નંબર-2, પૂર્વ બીજેપી અધ્યક્ષ

3) નીતિન ગડકરી
રસ્તા પરિવહન મંત્રી, વર્તમાન સરકારમાં સૌથી સારુ કાર્ય કરનાર, પૂર્વ બીજેપી અધ્યક્ષ

4) પીયૂષ ગોયલ 
રેલ મંત્રી, જેટલીની ગેરહાજરીમાં નાણા મંત્રી

5) નિર્મલા સીતારમણ
પહેલી મહિલા રક્ષા મંત્રી, રફાલ ડીલમાં મજબૂત બચાવ કરનાર

6) સુરેષ પ્રભૂ
નાગરીક ઉડ્ડયન મંત્રી, રેલ મંત્રાલય પણ સંભાળ્યું

7) સ્મૃતિ ઇરાની
રાહુલ ગાંધીને હરાવાતી કદમાં વધારો, મોટા મંત્રાલયની આશા

8) રવિશંકર પ્રસાદ
કાનૂન મંત્રી, શત્રુઘ્ન સિન્હાને હરાવ્ચા હતા

9) વી.કે. સિંહ
વિદેશ રાજ્ય મંત્રી, પૂર્વ સેના પ્રમુખ

આપને જણાવીએ કે, આજે સાંજે 7 વાગ્યે નરેન્દ્ર મોદી વડાપ્રધાનની શપથ લેશે. મોદીની બીજી ઇનિંગમાં પીએમઓમાં પણ ફેરબદલ જોવા મળશે. રાયસીના હિલમાં ત્રણ ટોચના પદો પર બેઠેલા અધિકારીઓની ભૂમિકાને લઇને પણ અટકળો તેજ બની છે. આ અધિકારીઓ છે- પ્રધાન સચિવ નૃપેન્દ્ર મિશ્રા, રાષ્ટ્રીય સુરક્ષા સલાહકાર અજિત ડોભાલ  અને પ્રધાન સચિવ પી.કે.મિશ્રા. પીએમઓમાં એમનું વિશેષ મહત્વ છે.  અહીં સવાલ એ છે કે શું આવનારા પાંચ વર્ષ માટે પીએમઓમાં નવા અવતારમાં શું તે બની રહેશે. વડાપ્રધાનના કાર્યકાળ સાથે આ ત્રણ અધિકારીઓનો પણ કાર્યકાળ સમાપ્ત થાય છે.