મહામારી પર નવું અપડેટ / આટલાં આટલાં દેશોમાં જતી વખતે માસ્ક પહેરજો, દુનિયામાં ચોથી લહેર શરુ થતા WHOનું મોટું એલર્ટ

• ચીન, જાપાન, કોરિયા, થાઈલેન્ડમાં શરુ થઈ કોરોનાની ચોથી લહેર
• વિશ્વ આરોગ્ય સંગઠને યુરોપના દેશોના પ્રવાસીઓને આપી માસ્કની સલાહ
• આ દેશમાં કોરોનાનો XBB.1.5 વેરિયન્ટ એક્ટિવ 

યુરોપ અને એશિયાના કેટલાક દેશમાં કોરોનાની ચોથી લહેર શરુ થઈ છે જેનું મુખ્ય કારણ કોરોનાનો XBB.1.5 વેરિયન્ટ છે અને હવે વિશ્વ આરોગ્ય સંગઠને પણ આ દેશોમા જતા લોકોને માસ્ક પહેરવાની સલાહ આપી છે. ડબ્લ્યુએચઓએ અમેરિકા સહિત વિશ્વના ઘણા દેશોમાં ઓમિક્રોનના પેટા-વેરિઅન્ટ XBB.1.5 ના ઝડપથી ફેલાવા પર ચિંતા વ્યક્ત કરી છે. ડબ્લ્યુએચઓ અધિકારીઓએ એમ પણ કહ્યું હતું કે ઓમિક્રોનના નવા સબવેરિયન્ટના ઝડપથી ફેલાવાને જોતા, તમામ દેશોએ મુસાફરોને લાંબા અંતરની ફ્લાઈટ્સમાં માસ્ક પહેરી રાખવું જોઈએ. 

જે દેશોમાં કોરોનાનો વધુ ફેલાવો થઈ રહ્યો છે ત્યાં માસ્ક પહેરીને જજો 
યુરોપિયન અધિકારીઓએ મંગળવારે એક પ્રેસ બ્રીફિંગમાં જણાવ્યું હતું કે, "યુરોપમાં XBB.1.5 સબવેલેન્ટ સાથે ચેપની સંખ્યા  ઝડપથી વધી રહી છે અને તેથી મુસાફરોને લાંબા અંતરની ફ્લાઈટ્સમાં માસ્ક પહેરવાની સલાહ આપવી જોઈએ. તેમણે કહ્યું, 
માસ્ક પહેરવાની ભલામણ એવા દેશમાંથી આવતા મુસાફરો માટે જારી કરવામાં આવે જ્યાં કોરોનાનો ઝડપથી ફેલાઈ થઈ રહ્યો છે.

સૌથી ઝડપથી ફેલાતો ઓમિક્રોનનો સબ વેરિયન્ટ
દુનિયામાં હાલમાં XBB.1.5 એ સૌથી ઝડપથી ફેલાતો ઓમિક્રોનનો સબ વેરિયન્ટ છે. અમેરિકામાં નવા કોરોના સંક્રમિત દર્દીઓમાંથી 27.6 ટકા દર્દીઓ આ સબવેરિયન્ટના દર્દીઓ છે.