ફરી આવ્યો કોવિડ / કોરોનાના ખતરનાક વેરિયન્ટની એન્ટ્રીથી દુનિયા રહી ગઈ દંગ, WHOએ તાત્કાલિક જાહેર કર્યું એલર્ટ

• WHOએ કોવિડ-19નાં નવા વેરિયન્ટની આપી માહિતી
• કહ્યું ઝડપથી ફેલાઈ રહ્યો છે વાયરસ
• તેને 'વેરિયન્ટ અંડર મોનિટરિંગ' કેટેગરીમાં મૂકવામાં આવ્યું

WHOએ શુક્રવારે કહ્યું કે તેઓ મોટી સંખ્યામાં મ્યૂટેશનવાળા કોવિડ-19નાં એક નવો વેરિયન્ટ મળ્યા બાદ તેના પર સ્ટડી કરી રહ્યાં છે. સંયુક્ત રાષ્ટ્ર સ્વાસ્થ્ય એજન્સીએ જણાવ્યું કે અત્યારે ઘણાં ઓછા દેશો જેવા કે ઈઝરાયેલ, ડેનમાર્ક અને સંયુક્ત રાજ્ય અમેરિકામાં વેરિયન્ટ BA.2.86નાં મામલા રિપોર્ટ કરવામાં આવ્યાં છે. 

WHO has designated #COVID19 variant BA.2.86 as a ‘variant under monitoring’ today due to the large number of mutations it carries.

So far, only a few sequences of the variant have been reported from a handful of countries.
🔗 https://t.co/3tJkDZdY1V

— World Health Organization (WHO) (@WHO) August 17, 2023

રિપોર્ટમાંથી મળી માહિતી
આ એક નવો વેરિયન્ટ છે જેના વિશે કોઈ જ પ્રકારની જાણકારી ઉપલબ્ધ નથી. તેના સ્ટ્રેસ અને પ્રસારની લિમીટને સમજવા માટે ડેટા એકઠો કરવામાં આવી રહ્યો છે. BA.2.86 સ્ટ્રેન પહેલીવખત 24 જૂલાઈનાં રિપોર્ટ કરવામાં આવ્યો હતો. WHO એ તેને 17 ઑગસ્ટનાં રોજ વેરિયન્ટ અંડર મોનિટરિંગ કેટેગરીમાં મૂક્યું છે.

નવા સ્ટ્રેનની પ્રકૃતિ પર નજર રાખી રહ્યાં છીએ

WHOએ જણાવ્યું કે અમે આ વાયરસનાં નવા સ્ટ્રેનની પ્રકૃતિ પર નજર રાખી રહ્યાં છીએ. અમેરિકાનાં CDC પ્રવક્તા કેથલીન કોનલીએ જણાવ્યું કે અમે પહેલાની સરખામણીએ સરળતાથી વેરિયન્ટની માહિતી મેળવી લઈએ છીએ. હાલમાં કોરોના વાયરસનાં નવા વેરિયન્ટની માહિતી મળી આવી છે. તે ઝડપથી મ્યૂટેટ કરી રહ્યો છે. તેનાથી સંક્રમણનું જોખમ વધી શકે છે. સીડીએ ટ્વીટર પર કહ્યું કે ઈઝરાયેલ, ડેનમાર્ક અને સંયુક્ત રાજ્ય અમેરિકામાં કોરોના વાયરસનાનવા વેરિયન્ટની માહિતી મળી આવી છે. તેના પર નજર રાખવામાં આવી રહી છે. વધુ જાણકારી મળતાની સાથે જ આપવામાં આવશે.

ચિંતાની કોઈ વાત નથી
હ્યૂસ્ટન મેથોડિસ્ટમાં ડાયગ્નોસ્ટિક માઈક્રોબાયોલોજીનાં નિર્દેશનક ડો. એસ. વેસ્લે. લોન્ગે જણાવ્યું કે ઓમિક્રોન સબ વેરિયન્ટ BA.2.86 પૂર્વનાં 36 વેરિયન્ટ્સમાંનો એક છે. સંક્રમણમાં તે ઝડપથી ફેલાઈ રહ્યો છે પરંતુ ચિંતાની કોઈ વાત નથી. કારણકે પહેલાનાં બૂસ્ટર તેને રોકવામાં સક્ષમ બનશે.