- એક્ટર દુલકર સલમાનની એક પોસ્ટ અને ચિંતિત બન્યા ફેન્સ
- અડધી રાતે ઈમોશનલ વીડિયો શેર કરી આપવીતી વર્ણવી
- બાદમાં અચાનક પોસ્ટ ડિલીટ કરી દેતાં ફેન્સ ચિંતિત બન્યા
ઘણી સુપરહિટ મલયાલમ અને બોલિવૂડ ફિલ્મોમાં કામ કરી ચુકેલા એક્ટર દુલકર સલમાન સામાન્ય રીતે પોતાની ફિલ્મો માટે લાઈમલાઈટમાં રહે છે. આ દરમિયાન હવે તે પોતાની એક પોસ્ટને કારણે લાઈમલાઈટમાં છે. વાત જાણે એમ છે કે, ઇન્સ્ટાગ્રામ પર મુકેલ એક પોસ્ટે તેના ચાહકોને હેરાન કરી દીધા છે. ચાહકો વધુ દુઃખી છે કારણ કે, દુલ્કરે તેને પોસ્ટ કર્યા પછી તે વિડીયો ડિલીટ કરી દીધો હતો. આ તરફ હવે તેના ચાહકો વિચારી રહ્યા છે કે તેને અચાનક શું થઈ ગયું.
ચાહકો દ્વારા લેવામાં આવ્યો સ્ક્રીનશોટ
એક્ટર દુલકર સલમાને રવિવારે રાત્રે એક વીડિયો શેર કર્યો, જેનાથી તેના ચાહકો તેના વિશે ચિંતિત થયા. તેણે જણાવ્યું કે, તે છેલ્લા કેટલાક સમયથી બરાબર ઊંઘતો નથી. જોક અભિનેતાએ બાદમાં આ પોસ્ટ તેના ઇન્સ્ટાગ્રામ એકાઉન્ટ પરથી પોસ્ટ હટાવી દીધી છે. જોકે દુલ્કરના ચાહકોએ અગાઉ ટ્વિટર પર તેની પોસ્ટનો સ્ક્રીનશોટ લીધો હતો, જે તેણે પોસ્ટ કાઢી નાખ્યા પછી વાયરલ થઈ રહ્યો છે. આ વીડિયો તેના ફેન્સમાં ચર્ચાનો વિષય બન્યો છે.
દુલકરે વીડિયોની સાથે શું કહ્યું ?
દુલ્કરે લખ્યું કે, હું લાંબા સમયથી સૂતો નથી. આ પહેલીવાર છે જ્યારે મેં આના જેવું કંઈક અનુભવ્યું છે અને વસ્તુઓ ફરી ક્યારેય સમાન નથી. હું એવા તબક્કે પહોંચી ગયો છું કે, જ્યાં હું તેને મારા મગજમાંથી બહાર કાઢી શકતો નથી. તેણે આગળ લખ્યું, હું ઘણું કહેવા માંગુ છું, પરંતુ મને નથી લાગતું કે મને આટલું કહેવાની છૂટ છે. ત્યારબાદ ફેન્સ તેની હાલત વિશે પૂછવા લાગ્યા, પરંતુ આ દરમિયાન તેણે પોસ્ટ ડિલીટ કરી દીધી.
અલગ-અલગ લોકોએ આપી પ્રતિક્રિયા
અભિનેતાની આ પોસ્ટ પછી એક ચાહકે લખ્યું 'દુલ્કેરને શું થયું? તેણે આ પોસ્ટ કરી અને પછી તેને કાઢી નાખ્યું. બધું બરાબર છે ને ભાઈ ? એકે લખ્યું, 'તને શું થયું?' બીજાએ લખ્યું, 'તમારી તબિયત સારી નથી? તમે પોસ્ટ કેમ કાઢી નાખી? એકે લખ્યું, 'ભાઈ, આ ચોક્કસપણે તેની કોઈપણ જાહેરાત અથવા કોઈપણ પ્રોજેક્ટનું પ્રમોશન છે. ચિંતા કરશો નહીં.
દુલકર સલમાન ફિલ્મ 'કીંગ ઓફ કોઠા' માટે ચર્ચામાં
દુલકર તેની આગામી ફિલ્મ 'કિંગ ઓફ કોઠા' માટે છેલ્લા કેટલાક દિવસોથી હેડલાઈન્સમાં છે. આમાં તે ગેંગસ્ટર બની ગયો છે. તેનું ટીઝર થોડા દિવસો પહેલા જ રિલીઝ કરવામાં આવ્યું છે, જે સ્પષ્ટપણે દર્શાવે છે કે, દુલકર એક્શન બતાવવાની તૈયારી કરી રહ્યો છે. તેમની ફિલ્મના ટીઝરમાં શહેરની રંગબેરંગી શેરીઓમાં લોહી અને સત્તાથી રાજકારણ પણ જોવા મળ્યું હતું. આ ફિલ્મ આ વર્ષે ઓગસ્ટમાં હિન્દીમાં પણ રિલીઝ થશે.
દુલકર છેલ્લે હિન્દી ફિલ્મ 'ચુપ'માં જોવા મળ્યો હતો
દુલકર સલમાન દુલકર મલયાલમ ફિલ્મોનો મોટો અભિનેતા છે. તે બોલિવૂડની ફિલ્મો 'કારવાં' અને 'ઝોયા ફેક્ટર'નો ભાગ હતો અને હિન્દી પટ્ટાના મોટાભાગના દર્શકો તેમને આ ફિલ્મોથી ઓળખે છે. છેલ્લી વખતે ફિલ્મ 'ચુપ'માં સની દેઓલ સાથેના તેના કામની પણ પ્રશંસા થઈ હતી.
