- RBI એ 19 મેના રોજ 2000 રૂપિયાની નોટ બંધ કરવાની જાહેરાત કરી
- આ નોટો 30 સપ્ટેમ્બર સુધી કાયદેસર રીતે માન્ય રહેશે
- હાલ વધુમાં વધુ 20,000 રૂપિયાની નોટો બદલી શકાય
વર્ષ 2016 બાદ વર્ષ 2022માં ફરી એક નોટ ચલણમાંથી હટાવવાની જાહેરાત કરવામાં આવી છે. જણાવી દઈએ કે ભારતીય રિઝર્વ બેંક એટલે કે RBI એ શુક્રવારે 19 મેના રોજ 2000 રૂપિયાની નોટ બંધ કરવાની જાહેરાત કરી હતી. RBIના નિર્ણય બાદ હવે 'ગુલાબી નોટ' બંધ થવા જઈ રહી છે. આરબીઆઈએ 2000 રૂપિયાની નોટ ચલણમાંથી પાછી ખેંચી છે. નોટની માન્યતા પહેલા જેવી જ રહેશે. એટલે કે, તમે 2000 રૂપિયાની નોટથી શોપિંગ કરી શકો છો, તમે કોઈપણ સાથે ટ્રાન્ઝેક્શન કરી શકો છો. 2000 રૂપિયાની નોટ લીગલ ટેન્ડર તરીકે ચાલુ રહેશે પણ ફક્ત 30 સપ્ટેમ્બર સુધી. RBIએ આ નિર્ણય ક્લીન નોટ પોલિસી અંતર્ગત લીધો છે. આરબીઆઈએ કહ્યું છે કે આ નોટો 30 સપ્ટેમ્બર સુધી કાયદેસર રીતે માન્ય રહેશે.
હાલ વધુમાં વધુ 20,000 રૂપિયાની નોટો બદલી શકાય
બેંકોમાં નોટ બદલવાની પ્રક્રિયા 23 મેથી શરૂ થશે. લોકો તેમના બેંક ખાતામાં રૂ. 2,000ની નોટ જમા કરાવી શકશે અથવા કોઈપણ બેંક શાખામાં જઈને અન્ય મૂલ્યોની નોટો સાથે બદલી શકશે પણ ખાસ ધ્યાનમાં રાખજો કે એક સાથે વધુમાં વધુ 20,000 રૂપિયાની નોટો બદલી શકાય છે. કે 30 સપ્ટેમ્બર 2023 સુધી બદલી શકાય છે.
જેમની પાસે બેંક ખાતું નથી તેઓએ શું કરવું જોઈએ?
કેટલાક લોકો પાસે તેમના બેંક ખાતા નથી. આવા લોકો પાસે 2000 રૂપિયાની નોટ છે તેઓ તેનો ખર્ચ કરી શકશે. લોકોનું પોતાનું બેંક ખાતું નથી તેઓ દેશની કોઈપણ શાખામાં જઈને નોટો બદલાવી શકે છે. જેમની પાસે ખાતું નથી તેઓ એક સમયે 2000 રૂપિયાની 10 નોટો એટલે કે 20 હજાર રૂપિયા પણ બદલી શકે છે.
30 સપ્ટેમ્બર પછી શું થશે?
સૂત્રોના જણાવ્યા અનુસાર 30 સપ્ટેમ્બરની સમયમર્યાદા પૂરી થયા બાદ લોકો પાસે રહેલી 2000 રૂપિયાની નોટો હશે તો તેમની સામે કોઈ કાયદાકીય કાર્યવાહી કરવામાં આવશે નહીં. 2000 રૂપિયાની નોટ 30 સપ્ટેમ્બર પછી પણ લીગલ ટેન્ડર રહેશે. આરબીઆઈને આશા છે કે લોકો બેંકોમાં નોટો એક્સચેન્જ કરવા માટે 4 મહિના પૂરતો સમય છે.
શુ ચાર્જ થશે
2 હજારની નોટ બદલવા માટે તમારે કોઈ ચાર્જ ચૂકવવો પડશે નહીં. બેંકો ગ્રાહકોને આ સુવિધા મફતમાં આપશે. આ સેવા બેંકો તરફથી સંપૂર્ણપણે મફત હશે.
જો બેંક લેવાનો ઇનકાર કરે તો શું કરવું
જો બેંક નોટ સ્વીકારવાનો ઇનકાર કરે છે તો તમે ફરિયાદ નોંધાવી શકો છો. જો 30 દિવસની અંદર બેંક તરફથી જવાબ ન મળે તો રિઝર્વ બેંક રિઝર્વ બેંક ઈન્ટીગ્રેટેડ ઓમ્બડ્સમેન સ્કીમ 2021 હેઠળ RBIના ફરિયાદ મેનેજમેન્ટ પોર્ટલ cms.rbi.org.in પર ફરિયાદ કરી શકે છે.
