સાવધાન / ભૂલથી પણ આવા લોકો સાથે મિત્રતા ન કરતા, નહીતર જીવન થઇ જશે બરબાદ

•  ચાણક્ય શું કહે છે મિત્રતા વિશે
• મિત્ર માટે જીવનમાં લિમિટ રાખવી 
• મીઠુ બોલનાર વ્યક્તિથી સાચવજો

જીવનમાં મિત્રોને સૌથી વધારે મહત્વ આપવામાં આવ્યું છે. જો તમારે સારા મિત્ર હોય તો તે દરેક પરિસ્થિતિમાં સાથે રહે છે અને મુશ્કેલ પરિસ્થિતિઓને પણ સરળ બનાવવામાં મદદરૂપ સાબિત થાય છે. જો કે, આ એક એવો સંબંધ છે જે વ્યક્તિ જાતે પસંદ કરે છે. પણ જો મિત્ર સ્વાર્થી હોય તો લોકોનું જીવન બરબાદ થઈ જાય છે. ચાણક્યએ તેની નીતિશાસ્ત્રમાં મિત્રતા વિશે પણ ઘણી વાતો કહી છે. જે આપણે જીવનમાં ખુબ મદદરૂપ થઈ શકે છે.

परोक्षे कार्यहन्तारं प्रत्यक्ष प्रियवादिनम्।
वर्जयेत्तादृशं मित्रं विषकुंभम् पयोमुखम्।।

ચાણક્ય નીતિના બીજા અધ્યાયમાં લખાયેલ 5મા શ્લોકમાં ચાણક્યએ કહ્યું છે કે, જે વ્યક્તિ મિત્રતાના સંબંધમાં મીઠુ મીઠુ બોલે અને ખોટા વખાણ કરે, અને તમારી પીઠ પાછળ ખરાબ બોલે તેનાથી હંમેશા દુર રહેવું જોઇએ. આવા લોકો મગર જેવા હોય છે. 

न विश्वसेत् कुमित्रे च मित्रे चाऽपि न विश्वसेत्।
कदाचित् कुपितं मित्रं सर्वं गुह्यं प्रकाशयेत्।।

આ વાક્યોમાં ચાણક્યએ લખ્યુ છે કે કોઇ પણ મિત્ર પર વધારે ભરોસો ન કરવો જોઇએ, આંધળો વિશ્વાસ તમને લઇને ડૂબે છે. સારા મિત્ર સાથે આપણે જીવનના કેટલાક રહસ્યો શૅર કર્યા હોય, જો કોઇ કારણસર ભવિષ્યમાં તેનાથી અલગ થઇ જવાનું થાય તો તમારા જીવનના બધા જ રહસ્યો તેને ખબર હોય છે. જ્યારે સંકટ આવે તો તમારુ જીવન ખરાબ કરતા તેને થોડો સમય પણ નહી લાગે. 

કોઇ પણ સંબંધની હદ નક્કી કરવી આપણા હાથમાં હોય છે. ખાસ મિત્ર પર પણ આંધળો વિશ્વાસ ન કરવો જોઇએ , તેવું ચાણક્ય કહે છે. જીવનમાં સુખી થવું હોય તો મિત્રો માટેની આ વાતો હંમેશા ધ્યાન રાખજો.