આક્ષેપ / અમે એક પણ આદિવાસીને વિસ્થાપિત કરવા માંગતા નથી, અમુક સંગઠનો સમાજને દોરે છે ગેરમાર્ગેઃ આદિજાતિ વિકાસ મંત્રી

• વલસાડમાં ગરીબ કલ્યાણ મેળો
• 9 હજાર જેટલા લાભાર્થીને વિતરણ
• આદીજાતી મંત્રી નરેશ પટેલની ઉપસ્થિતિ 
   

વલસાડ જિલ્લાના ધરમપુરની વનરાજ આર્ટસ એન્‍ડ કોમર્સ કોલેજ ખાતે આજ રોજ રાજયના આદિજાતિ વિકાસ, અન્ન, નાગરિક પુરવઠા મંત્રી નરેશભાઇ પટેલની અધ્યક્ષતામાં ગરીબ કલ્યાણ મેળો યોજાયો હતો. જેમાં જિલ્લા ના તમામ તાલુકાના લાભાર્થીઓ હાજર રહ્યા હતા. રાજયના આદિજાતિ વિકાસ, અન્ન,નાગરિક પુરવઠા મંત્રી નરેશભાઇ પટેલ દ્રારા જિલ્લાના અંદાજીત 9000 જેટલા લાભાર્થીઓ ને સહાય વિતરણ કરવામાં આવી હતી. જેમાં PMJY કાર્ડ,ઇ શ્રમ કાર્ડ,પ્રધાનમંત્રી આવાસ યોજના,દુધાળા પશુની ખરીદી માટે ની સહાય જેવી અનેક વિવિધ સહાયઓ નું વિતરણ કરવામાં આવ્યું હતું.

આ પ્રસંગે મંત્રી નરેશ પટેલે જણાવ્યું હતું કે સરકાર હંમેશા આદિવાસીઓની સાથે છે. કેટલાક આદિવાસી સંગઠનો આદિવાસી સમાજ ને ગેરમાર્ગે દોરી રહ્યા છે. આજે પણ અમુક સંગઠનો આદિવાસી સમજ ને મજૂર અને વિકાસથી વંચિત રાખવા માંગે છે.અમે પણ આદિવાસી આગેવાનો છીએ અમે એક પણ આદિવાસીને    વિસ્થાપિત કરવા માંગતા નથી. અમે અનેક લોકો નેજમીન દાવાઓ મંજુર કર્યા છે જિલ્લામાં 29,433 જમીન ના દાવાઓ મંજુર કર્યા છે.