ચીફ વાઇલ્ડ વોર્ડન એન શ્રીવાસ્તવે જણાવ્યું કે, સક્કરબાગના મોટા ભાગનો વિસ્તાર સલામત છે તેમજ શિયાળના પાંજરામાં પાણી ભરાતા શિયાળને રેસક્યુ કરાયા છે તેમજ અન્ય પ્રાણીઓ સલામત છે.
Share
જુનાગઢ સકરબાગ વિસ્તારમાં ભરાયા પાણી
શિંગોડા ડેમના 4 દરવાજા 1 ફૂટ ખોલાયા
ભાવનગર પંથકમાં ધોધમાર વરસાદ વરસ્યો
સૌરાષ્ટ્રમાં છેલ્લા ઘણા દિવસોથી અવિરત વરસાદના કારણે અનેક જગ્યાએ પૂરની સ્થિતિનું નિર્માણ થયું છે ત્યારે જૂનાગઢ જિલ્લામાં ભારે વરસાદના કારણે સમગ્ર જિલ્લો જળસંકટથી ઘેરાયો છે. જૂનાગઢવાસીઓએ વિચાર્યું પણ નહીં હોય કે અચાનક આ પ્રકારનો મેઘતાંડવ થશે. કુદરતના કહેર સામે જૂનાગઢવાસીઓ લાચાર જોવા મળ્યા છે. લોકોના હાલ બેહાલ થયા છે સમગ્ર જૂનાગઢમાં હાલ જળ હોનારત થઈ હોય તેવુ સામે આવ્યું છે.
જૂનાગઢમાં મેઘરાજાનું તાંડવ
જૂનાગઢમાં વરસાદનું રૌદ્ર સ્વરૂપ જોવા મળ્યું છે. જૂનાગઢની કાળવા નદીનો ધસમસતો પ્રવાહનો રોદ્ર સ્વરૂપ જોવા મળ્યો છે. કાળવાની આસપાસના વિસ્તારમાં પાણી ફરી વળ્યા છે તેમજ પાણીના ધસમસતા પ્રવાહના દ્રશ્યો ડરામણા સામે આવ્યું છે.
શિયાળના રેસક્યુ કરાયા
સક્કરબાગ ઝૂમાં પાણી ભરાવવા મુદ્દે વન વિભાગનું નિવેદન સામે આવ્યું છે. ચીફ વાઇલ્ડ વોર્ડન એન શ્રીવાસ્તવે જણાવ્યું કે, સક્કરબાગના મોટા ભાગનો વિસ્તાર સલામત છે તેમજ શિયાળના પાંજરામાં પાણી ભરાતા શિયાળને રેસક્યુ કરાયા છે તેમજ અન્ય પ્રાણીઓ સલામત છે. શ્રીવાસ્તવએ જણાવ્યું કે, જૂનાગઢમાં સ્થિતિ પર નજર રાખવામાં આવી રહી છે અને જો પાણી આવશે તો પ્રાણીઓનું સ્થળ બદલવામાં આવશે. વધુમાં કહ્યું કે, સક્કરબાગ ઝૂમાં 4000થી વધારે પ્રાણીઓ અને પક્ષીઓ છે. ભારે વરસાદના કારણે જૂનાગઢ શહેરમાં જળબંબાકારની સ્થિતિ સર્જાઈ છે
ભાવનગરમાં ધોધમાર વરસાદ
ભાવનગર પંથકમાં ધોધમાર વરસાદ વરસ્યો છે. તળાજાના ગ્રામ્ય વિસ્તાર પીઠલપુર, ગોપનાથ, ઉમરાળા, વલ્લભીપુર અને ઉમરાળા, વલ્લભીપુરમાં 6-6 ઈંચ વરસાદ પડ્યો છે. ભાવનગર શહેરમાં 2.5 ઈંચ, મહુવામાં 2.5 ઈંચ વરસાદ ખાબક્યો છે.
નદી કાંઠાના 17 ગામોને સાવચેત કરાયા
ગીર સોમનાથના શિંગોડા ડેમના 4 દરવાજા 1 ફૂટ ખોલાયા છે. શિંગોડા ડેમમાં પાણીની આવક વધતા 4 દરવાજા ખોલવાની ફરજ પડી છે. કોડીનાર શહેર અને નદી કાંઠાના 17 ગામોને સાવચેત કરાયા છે. લોકોને નદી કાંઠા આસપાસ અવર જવર ન કરવા સૂચના અપાઈ છે.
.JPG)
