હેલ્થ ટિપ્સ / વજન ઓછું કરવું છે પણ સખત ડાયટ પ્લાનને ફોલો નથી કરી શકતા? સ્થૂળતા ઓછી કરવા આ વસ્તુઓનું કરો સેવન

• મોટા ભાગના લોકો મેદ‌સ્વિતાની ખતરનાક સમસ્યાનો સામનો કરી રહ્યા
• સખત ડાયટ પ્લાનને ફોલો નથી કરી શકતા તો આવો આહાર લો 
• વજન ઘટાડવાના મહાઅભિયાનમાં આ વસ્તુઓનું સેવન જરૂર કરો

આજના યુગમાં મોટા ભાગના લોકો મેદ‌સ્વિતાની ખતરનાક સમસ્યાનો સામનો કરી રહ્યા છે. મોટા ભાગની વ્યક્તિઓને વજન ઓછું કરવા માટે આહાર કન્ટ્રોલમાં કરવા કરતાં વ્યાયામ અને વર્કઆઉટ કરવાનું વધુ સરળ લાગે છે, પરંતુ એ બહુ અઘરું પડે છે. જો તમે એક સખત ડાયટ પ્લાનને ફોલો નથી કરી શકતા તો યોગ્ય એ જ રહેશે કે થોડો એવો આહાર લો, જે ખાવાથી સ્થૂળતા ઘટાડવામાં સરળતા રહે છે. વજન ઘટાડવાના ‘મહાઅભિયાન’માં અહીં જણાવેલી વસ્તુઓનું સેવન જરૂર કરવું જોઈએ.

- સફરજન:
આ ફળને ખાઇ માત્ર વજન જ કન્ટ્રોલ નહીં થાય, સ્વાસ્થ્ય પણ જળવાશે. ઓફિસથી નીકળતાં પહેલાં સવારે એક સફરજનને દહીં કે સ્કિમ્ડ મિલ્ક સાથે મિક્સ કરી ખાઓ. સફરજનમાં પુષ્કળ માત્રામાં રેસા હોય છે અને તે શરીરમાં ગ્લુકોઝનું સ્તર ઓછું કરે છે, તેમાં પેક્ટિન હોય છે, જે શરીરમાંથી વધારાનાં પાણી અને ચરબીને શોષી લે છે.

- સાઇટ્રસ ફ્રૂટ: 
કોઇ ઝંઝટ વગર જો વજન ઓછું કરવું હોય તો સાઇટ્રસ ફ્રૂટ કરતાં સારો ઓપ્શન કોઇ નથી. આવા ફ્રૂટમાં વિટામિન-સી ભરપૂર હોય છે, જે શરીરની કેલરી બાળે છે. તમે લીંબુ, સંતરાં, મોસંબી જેવાં ફળને ડાયટમાં સામેલ કરો.

- ગ્રીન ટી: 
ગ્રીન ટી કોફી કરતાં વધુ અસરકારક હોય છે, જેનાથી વજન ઘટાડી શકાય છે. તેનાથી ભૂખને કન્ટ્રોલ કરવામાં મદદ મળે છે અને સ્વાસ્થ્ય પણ જળવાઇ રહે છે. વેઇટ લોસ સિવાય તેનાથી સ્કિન અને વાળને પણ ફાયદો થાય છે. જો સ્ટ્રેસના કારણે તમારા વાળ ખરી રહ્યા હોય તો ગ્રીન ટી પીવી ફાયદાકારક રહેશે.

- બદામ: 
ઘણા લોકોનું માનવું છે કે નટ્સ શરીરનું વજન વધારે છે. બદામ, અખરોટ, એપ્રીકોટમાં હેલ્ધી ફેટ અને સારું કોલેસ્ટ્રોલ હોય છે. એક મુઠ્ઠી બદામ ખાવાથી ભૂખ કન્ટ્રોલ થશે અને તમારું પેટ ભરાઇ જવાથી તમે અન્ય ભોજન લેવાનું ટાળશો.

- ઇંડાં:
ઇંડાં શરીરનું વજન ઘટાડવા માટે સંપૂર્ણ સક્ષમ છે. સવારના નાસ્તામાં ઈંડાંનો સમાવેશ કરો, આનાથી તમારું પેટ ભરાઇ જશે. તમે ઇચ્છો તો તેને ઉકાળી ખાઇ શકો છો કે પછી લો ફેટ ઓઇલમાં પણ બનાવી શકો છો. આ સિવાય તેને સ્કિમ્ડ મિલ્કમાં નાખી પીવાથી વધારાનું વજન ઓછું થશે.