ડબલ એન્જીન / મોસાળે માં પીરસનારી: કેન્દ્ર સરકારે ગુજરાતને જીએસટી વળતર પેટે આટલા કરોડ ચુકવ્યા, CM ભૂપેન્દ્ર પટેલે માન્યો આભાર

• કેન્દ્ર સરકાર દ્વારા  ગુજરાતને જીએસટી વળતર પેટે રૂા. 9021 કરોડની ચૂકવણી કરી
• મુખ્યમંત્રી ભુપેન્દ્ર પટેલે કેન્દ્ર સરકારનો આભાર વ્યક્ય કર્યો
• રાજ્યોને મળતી આવકમાં ઘટ સામે વળતર આપવાની જોગવાઇ કરવામાં આવેલ હતી

કેન્દ્ર સરકાર દ્વારા જીએસટી કાયદાના અમલીકરણ વખતે રાજ્યોને મળતી આવકમાં ઘટ સામે વળતર આપવાની જોગવાઇ કરવામાં આવેલ હતી.  આ માટે જીએસટી કમ્પેસેશન સેસ એકટની રચના કરાયેલ હતી.  આ એકટની જોગવાઇ મુજબ નાણાકીય વર્ષ ૨૦૧૫-૧૬ ને બેઝ ઇયર ગણી તેમાં વાર્ષિક ૧૪% લેખે વૃધ્ધિને આધારે તા.૦૧-૦૭-૨૦૧૭થી તા.૩૦-૦૬-૨૦૨૨ સુધી પાંચ વર્ષ માટે રાજ્યોની પ્રોટેક્ટેડ આવક નક્કી કરવામાં આવેલ હતી.
₹૯૦૨૧ કરોડની રકમ કેન્દ્ર સરકારે ગુજરાતને આજે ફાળવી
આ સંદર્ભમાં ગુજરાત સરકારને મળવાપાત્ર જીએસટી વળતર પેટે ₹૯૦૨૧ કરોડની રકમ કેન્દ્ર સરકારે ગુજરાતને આજે ફાળવી  આપી છે.  મુખ્યમંત્રી ભુપેન્દ્ર પટેલે ગુજરાતને આ રકમ ફાળવવા અંગે વડાપ્રધાન નરેન્દ્રભાઈ મોદી અને નાણાં મંત્રી નિર્મલા સીતારામન અને કેન્દ્ર સરકારનો આભાર વ્યક્ત કર્યો છે.