લોકસભા ચૂંટણી 2024 / અંતે બીજા તબક્કાનું મતદાન પૂર્ણ: UPમાં સૌથી ઓછું મતદાન તો ત્રિપુરામાં થયું બમ્પર વોટિંગ, PM મોદીએ કહ્યું - 'વિપક્ષને નિરાશ કરશે'

લોકસભા ચૂંટણીને લઈ બીજા તબક્કા માટેનું 88 બેઠકો પર મતદાન સમાપ્ત થયો છે. જે કોઈ જગ્યાએ મતદાનની કતારો યથાવત છે ત્યાં હજુ પણ મતદાનની પ્રક્રિયા ચાલી રહી છે. 

ત્રિપુરામાં 76.23% મતદાન નોંધાયું
પાપ્ત માહિતી મુજબ 5 વાગ્યા સુધીમાં મહારાષ્ટ્ર, ઉત્તરપ્રદેશ અને બિહારમાં 53% મતદાન થયું છે જે આજની મતદાન પ્રક્રિયમાં સૌથી ઓછું મતદાન ગણવામાં આવે છે. જ્યારે ત્રિપુરામાં 76.23% મતદાન થયું છે. જે આજના માટેનું સૌથી વધુ મતદાન ગણવામાં આવે છે. અત્રે જણાવીએ કે,આજની મતદાન પ્રક્રિયામાં કોંગ્રેસ નેતા રાહુલ ગાંધી, શશિ થરૂર અને હેમા માલિનીની બેઠક પર પણ મતદાન થયું છે. લોકસભા સ્પીકર ઓમ બિરલા અને 5 કેન્દ્રીય મંત્રીઓ તેમજ 2 પૂર્વ મુખ્યમંત્રી સાથો સાથ 3 ફિલ્મ સ્ટાર ચૂંટણી મેદાને છે. 

Phase Two has been too good!

Gratitude to the people across India who have voted today. The unparalleled support for NDA is going to disappoint the Opposition even more. Voters want NDA’s good governance. Youth and women voters are powering the strong NDA support.

— Narendra Modi (@narendramodi) April 26, 2024

પીએમ મોદી ટ્વીટ કર્યું
પીએમ મોદીએ એક્સ પર લખ્યું છે કે, બીજો તબક્કો ઘણો સારો રહ્યો છે. ભારતભરના લોકોનો આભાર જેમણે આજે મતદાન કર્યું છે. એનડીએને જે અભૂતપૂર્વ સમર્થન મળી રહ્યું છે તે વિપક્ષોને વધુ નિરાશ કરશે. મતદારો એનડીએનું સુશાસન ઈચ્છે છે. યુવા અને મહિલા મતદારો એનડીએને મજબૂત સમર્થન આપી રહ્યા છે.

વાંચવા જેવું:  સંદેશખાલીમાં CBIને હાથ લાગ્યો હથિયારોનો ભંડાર, ભાજપના મમતા સરકાર પર આતંકીઓને બચાવવાનો આરોપ

1,202 ઉમેદવારોનું ભવિષ્ય EVMમાં કેદ
ઈલેક્શન કમિશનની વિગતો મુજબ બીજા તબક્કામાં યોજાયેલા મતદાન માટે 1,202 ઉમેદવારો ચૂંટણી જંગમાં ઉતર્યા છે. જેમાં 1,098 પુરૂષ અને 102 મહિલા ઉમેદવારો તેમજ બે ઉમેદવારો થર્ડ જેન્ડરનો સમાવેશ થાય છે. ઉલ્લેખનીય છે કે, 19 એપ્રિલે પ્રથમ તબક્કાનું મતદાન થયું હતું. જે 102 બેઠકો પર મતદાન થયું હતું. 

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો