વ્લાદિમીર V/S વોલોદિમીર / પુતિન હવે 'પતાવી દેવાના' મૂડમાં? પશ્ચિમી દેશોને આપી દીધી છેલ્લી વોર્નિંગ

• રશિયા અને યુક્રેન વચ્ચે ચાલી રહ્યો છે સંઘર્ષ
• પુતિને આપી આ ચેતવણી
• પલાયન કરવા મજબૂર બન્યા લોકો

સતત 11માં દિવસે પણ રશિયા અને યુક્રેન વચ્ચે ભીષણ યુદ્ધ ચાલી રહ્યું છે. રશિયાના રાષ્ટ્રપતિ વ્લાદિમીર પુતિને ચેતવણી આપી દીધી છે કે, યુક્રેનનો રાષ્ટ્રનો દરજ્જો ખતરામાં છે. તેમણે રશિયા પર પશ્ચિમી દેશોના પ્રતિબંધો અને નો ફ્લાઈ ઝોન ઘોષિત કરવાની સરખામણી યુદ્ધની ઘોષણા સાથે કરી છે. 

યુદ્ધના એલાન જેવા છે પ્રતિબંધો

પુતિને કહ્યું કે, જો તેઓ આવું કરશે, તો ભવિષ્યમાં યુક્રેનનો રાષ્ટ્ર હોવાનો દરજ્જો ખતરામાં આવી જશે. જો આવું થશે તો, સમગ્રપણે તેમના વિવેક પર નિર્ભર કરશે. તેમણે પશ્ચિમી દેશોના પ્રતિબંધો પર હુમલા કરતા કહ્યું કે, જે પ્રતિબંધો લગાવામાં આવી રહ્યા છે, તે યુદ્ધની ઘોષણા કરવા સમાન છે.

પલાયન કરવા મજબૂર બન્યા યુક્રેની નાગરિક

તો વળી યુક્રેનના શહેર મારિયૂપોલમાં સીઝફાયરનું વચન ત્યાં થયેલી હિંસક ઘટનાઓની વચ્ચે ફેલ થતી દેખાઈ રહી છે. રશિયાના સૈનિકોએ શહેરોને ઘેરવાનું ચાલુ રાખ્યું છે અને દેશમાંથી પલાયન કરવા મજબૂર યુક્રેની નાગરિકોની સંખ્યા વધીને 14 લાખ થઈ ગઈ છે. પુતિને તેના માટે યુક્રેની નેતૃત્વને જવાબદાર ઠેરવ્યા છે.

આ બાબતે સિઝફાયરનું એલાન કર્યું

આ અગાઉ રશિયાના રક્ષામંત્રાલયે એક નિવેદનમાં કહ્યું હતું કે, તે દક્ષિણ પૂર્વમાં આવેલા રણનીતિક રીતે મહત્વપૂર્ણ બંદર મારિયૂપોલ અને પૂર્વમાં આવેલા વોલનોવાખા શહેરમાંથી લોકોને નિકળવા જવા માટે રસ્તો કરી આપવા સહમત થયા છે. જો કે, આ નિવેદનમાં એ સ્પષ્ટ નહોતું કે, રસ્તો ક્યારે ખોલવામાં આવશે.

ગોળીબાર ચાલતો હોવાનો આરોપ

યુક્રેનના રાષ્ટ્રપતિ વોલોદિમીર જેલેંસ્કીના કાર્યાલયના ઉપપ્રમુખ કિરિલો તિમોશેંકોએ કહ્યું કે, રશિયા સંઘર્ષ વિરામ નથી કરી રહ્યું અને મારિયૂપોલ તથા આજૂબાજૂના વિસ્તારમાં ગોળીબાર ચાલી રહ્યો છે. તેમણે કહ્યું કે, સંઘર્ષ વિરામ અને સુરક્ષિત માનવીય રસ્તો સ્થાપિત કરવા માટે રશિયા સાથએ વાતચીત ચાલી રહી છે.