- વિરાટ કોહલીએ શાનદાર કેચ ઝડપી લીધો હતો.
- રવિન્દ્ર જાડેજાએ કર્યા ખૂબ વખાણ
- ગિલના પણ વખાણ કરી જાડેજાએ સંતોષ વ્યકત કર્યો
ઇન્ડિયા અને વેસ્ટ ઇન્ડીઝ વચ્ચે રમાયેલી મેચમાં વિરાટ કોહલીએ શાનદાર કેચ ઝડપી લીધો હતો. જેના રવિન્દ્ર જાડેજાએ ખૂબ વખાણ કર્યા હતા. મહત્વનું છે કે રવિન્દ્ર જાડેજાએ મેચ દરમિયાન અસંખ્ય એવા કેચ ઝડપી પાડ્યા છે. જે પ્રથમ નજરે અશક્ય લાગતા હોય! ત્યારે રવિન્દ્ર જાડેજાને એ વાતનો રંજ પણ હતો કે તેના જેવો કેચ તેની ઓવરમાં કોઈ પકડી ન શકે! જેના આ રંજને વિરાટ કોહલીએ પૂર્ણ કરી દીધો હતો અને તેમણે અશક્ય ગણાતો કેચ સેકન્ડથી પણ ઓછા સમયમાં ઝડપી પાડ્યો હતો. આ કેચને જોઈ રવિન્દ્ર જાડેજાની ચાર આંખો થઈ ગઈ હતી અને મેચ બાદ તેમણે કોહલીના મુક્તમને વખાણ કર્યા હતા.
કોહલી અને શુભમન ગિલે જે કેચ પકડી પાડ્યો...
રવિન્દ્ર જાડેજાએ કહ્યું હતું કે દર વખતે તે અન્ય બોલરની બોલીંગ દરમિયાન અનેક શાનદાર કેચ પકડતો હોય છે. પરંતુ તેની બોલિંગમાં આવો આનોખો કેચ ઝડપી લેતા તેને રાજીપો વ્યક્ત કર્યો હતો. તેના બોલ પર શુભમન ગિલે પણ કેચ પકડી લીધો હતો. બંનેના વખાણ કરતા જાડેજા એ કહ્યું કે કોહલી અને શુભમન ગિલે જે કેચ પકડી પાડ્યો છે. તેનાથી બોલરોનો ઉત્સાહ વચ્ચે છે.
વન-ડેમાં 37 રન આપીને ત્રણ વિકેટ ઝડપી હતી
મહત્વનું છે કે કોહલીએ 18 મી ઓવરના ચોથા બોલમાં રોમારીયો શેફર્ડનો એક હાથે જબરદસ્ત કેચ પકડી લીધો હતો. તે જ ઓવરમાં બીજા બોલ પર ગિલે રોવમેન પોવેલનો કેચ પકડ્યો હતો. નોંધનીય છે કે જાડેજા એ પ્રથમ વન-ડેમાં 37 રન આપીને ત્રણ વિકેટ ઝડપી હતી. તો કુલદીપ યાદવે છ રન આપીને ચાર વિકેટ ઝડપી લીધી હતી. વધુમાં પાંચ વિકેટે ભારતે મેચ જીતી હતી.
