પાકિસ્તાન સામે ભારતનો શાનદાર વિજય થયો છે. ત્યારે અમદાવાદમાં ભારતની જીતની જોરદાર ઉજવણી થઈ છે. ભારતને વિજય થતા લોકોએ આ વિજયને વધાવી લીધો હતો. ત્યારે આતિશબાજી કરી લોકોએ ભારતની જીતની ઉજવણી કરી હતી.
Share
વર્લ્ડકપની મેચમાં ભારતનો પાકિસ્તાન સામે ભવ્ય વિજય
ભારતની જીત બાદ અમદાવાદમાં લોકોએ આતિશબાજી કરી
અમદાવાદનાં નરેન્દ્ર મોદી સ્ટેડિયમ ખાતે રમાઈ હતી મેચ
છેલ્લા ઘણા દિવસથી ભારત-પાકિસ્તાન મેચને લઈ લોકોમાં અનેરો ઉત્સાહ જોવા મળી રહ્યો હતો. તેમજ દેશનાં ખૂણે ખૂણેથી લોકો મેચ જોવા માટે અમદાવાદ આવ્યા હતા. ત્યારે આજે અમદાવાદ ખાતે નરેન્દ્ર મોદી સ્ટેડિયમ ખાતે ભારત-પાકિસ્તાન વચ્ચે વર્લ્ડ કપની મેચ રમાઈ હતી. જેમાં ભારતે પાકિસ્તાનને શરમજનક રીતે હરાવ્યું હતું. ભારત જીતતાની સાથે જ લોકોએ ઉજવણી શરૂ કરી હતી. અમદાવાદમાં ઠેર ઠેર લોકોએ ફટાકડા ફોડી ઉત્સાહ સાથે ભારતની જીતની ઉજવણી કરી હતી.
Team India all the way!
A great win today in Ahmedabad, powered by all round excellence.
Congratulations to the team and best wishes for the matches ahead.
ભારતે પાકિસ્તાને સામે 7 વિકેટે શાનદાર જીત મેળવી
વર્લ્ડકપના મહામુકાબલામાં ભારતે પાકિસ્તાનને શરમજનક રીતે હરાવ્યું છે. આ હાઈવોલ્ટેજ મેચમાં ભારતે પાકિસ્તાને સામે 7 વિકેટે શાનદાર જીત મેળવી છે. વર્લ્ડ કપમાં પાકિસ્તાન સામે ભારતનો આ સતત આઠમો વિજય છે. પાકિસ્તાનની ટીમ પ્રથમ રમત રમીને માત્ર 191 રનમાં જ ઓલઆઉટ થઈ ગઈ હતી. આ પછી, ભારતીય ટીમે 30.3 ઓવરમાં એટલે કે 117 બોલ બાકી રહેતા સાત વિકેટે લક્ષ્યનો સરળતાથી પીછો કરી લીધો હતો. ભારત તરફથી કેપ્ટન રોહિત શર્માએ માત્ર 63 બોલમાં 86 રનની વિસ્ફોટક ઇનિંગ રમી હતી. આ દરમિયાન હિટમેને 6 ફોર અને 6 સિક્સર ફટકારી હતી. શ્રેયસ અય્યરે પણ અડધી સદી ફટકારી હતી. તે 53 રન બનાવીને અણનમ પરત ફર્યો હતો. આ પહેલા બોલિંગમાં જસપ્રિત બુમરાહ, રવિન્દ્ર જાડેજા, કુલદીપ યાદવ, હાર્દિક પંડ્યા અને મોહમ્મદ સિરાજે બે-બે વિકેટ લીધી હતી.
આજે અમદાવાદમાં નરેન્દ્ર મોદી ક્રિકેટ સ્ટેડિયમ ખાતે યોજાએલ ભારત-પાકિસ્તાન વર્લ્ડકપ મેચ-૨૦૨૩માં ભારતીય ટીમને જ્વલંત વિજય પ્રાપ્ત કરવા બદલ સૌ ખેલાડીઓ તથા દેશવાસીઓને હૃદયપૂર્વક અભિનંદન પાઠવું છું. આજના અવસરે ઉત્તમ આયોજન કરવા બદલ @BCCI ની સમગ્ર ટીમને અભિનંદન સહ શુભકામનાઓ પાઠવું છું.…
ભારતીય બોલરો સામે પાકિસ્તાનની ટીમ ઘૂંટણીએ
અમદાવાદના નરેન્દ્ર મોદી સ્ટેડિયમમાં પાકિસ્તાને ભારતીય બોલરો સમક્ષ આત્મસમર્પણ કર્યું. બેટ્સમેનો માટે મદદરૂપ બનેલી આ પીચ પર ભારતીય બોલરોએ યોગ્ય લાઇન લેન્થ સાથે બોલિંગ કરી અને સમગ્ર પાકિસ્તાની ટીમને 191 રનમાં સમેટી દીધી. પાકિસ્તાન તરફથી બાબર આઝમે સૌથી વધુ 50 રન બનાવ્યા હતા. જ્યારે રિઝવાને 49 રનની ઇનિંગ રમી હતી. આ બે સિવાય તમામ બેટ્સમેનો 'તુ ચલ મેં આયા'ની તર્જ પર આઉટ થયા હતા. પાકિસ્તાને છેલ્લી આઠ વિકેટ માત્ર 36 રનમાં ગુમાવી દીધી હતી.
પાકિસ્તાન માટે સારી શરૂઆત
પાકિસ્તાન માટે અબ્દુલ્લા શફીક અને ઈમામ ઉલ હકે સારી શરૂઆત કરી હતી. બંને સારી ગતિએ રન બનાવી રહ્યા હતા અને ટીમ સારા સ્કોર તરફ આગળ વધી રહી હતી. આવી સ્થિતિમાં રોહિતે સિરાજ સાથે એક પ્લાન બનાવ્યો અને અબ્દુલ્લા શફીકને શોર્ટ બોલ માટે તૈયાર કર્યો. આ પછી સિરાજે તેના પગ પર બોલિંગ કર્યો અને શફીકની વિકેટો સામે જ કેચ થઈ ગયો. આ પછી હાર્દિક પંડ્યાએ ઈમામ ઉલ હકને પણ પેવેલિયન મોકલી દીધો હતો. 73 રનમાં બે વિકેટ પડી ગયા બાદ બાબર આઝમ અને મોહમ્મદ રિઝવાન ક્રિઝ પર સ્થિર થયા હતા. બંનેએ સારી ભાગીદારી કરી અને પાકિસ્તાનના સ્કોરને 150 રનથી આગળ લઈ ગયા.
