વાસ્તુ ટિપ્સ / આજથી જ ઘરની આ દિશામાં લગાવો તમારી ફુલદાની, આખોય પરિવાર કાયમ રહેશે હેલ્ધી અને ફીટ/

• વાસ્તુ શાસ્ત્ર અનુસાર તમામ દિશાનું અલગ અલગ મહત્ત્વ
• આવો જાણીએ કુંડા કઈ દિશામાં મુકવા જોઈએ
• આ દિશામાં કુંડા મુકવાથી આરોગ્ય સંબંધિત સમસ્યા થતી નથી 

વાસ્તુ શાસ્ત્ર અનુસાર તમામ દિશાનું અલગ અલગ મહત્ત્વ રહેલું છે. અહીંયા આજે નૈઋત્ય ખૂણો (દક્ષિણ-પશ્ચિમ દિશા)માં કુંડા લગાવવા બાબતે જાણીશું. વાસ્તુ શાસ્ત્ર અનુસાર માટીના નાના કુંડા લગાવવા માટે ઈશાન ખૂણો અને મોટા કુંડા લગાવવા માટે નૈઋત્ય ખૂણાની પસંદગી કરવી જોઈએ. નૈઋત્ય ખૂણો એટલે કે, દક્ષિણ-પશ્ચિમ દિશામાં કુંડા મુકવાથી આરોગ્ય સંબંધિત સમસ્યાનો સામનો કરવો પડતો નથી અને આરોગ્ય સારું રહે છે. પેટ સંબંધિત સમસ્યાથી વિશેષ રાહત મળે છે. ઉપરાંત માતા સાથેના સંબંધ સારા રહે છે. કામ પૂર્ણ કરવામાં માતાનો સંપૂર્ણપણે સહયોગ પ્રાપ્ત થાય છે. 

વાસ્તુ શાસ્ત્ર અનુસાર ઈશાન ખૂણો (ઉત્તર-પૂર્વ દિશા)માં કુંડા મુકવાથી જીવનમાં કોઈપણ પ્રકારની મુસીબતોનો સામનો કરવો પડતો નથી. તમારા જીવનમાં હાલમાં કોઈ પરેશાની છે, તો તે સમસ્યા પણ દૂર થઈ જશે. પરિવારમાં નાનો દીકરો હોય તો તેને પણ જીવનમાં કોઈ પ્રકારની પરેશાની નહીં થાય. 

વાસ્તુ શાસ્ત્ર અનુસાર નાના આકારના માટીના કુંડા લગાવવા માટે ઈશાન ખૂણો (ઉત્તર-પૂર્વ દિશા)ની પસંદગી કરવી જોઈએ. આ ખૂણામાં તમે કુંડા ના મુકી શકો તો તમે ઉત્તર અથવા પૂર્વ દિશા તરફ પણ કુંડા મુકી શકો છો.