વિવાદ / વડોદરાની MS યુનિવર્સિટી ફરી વિવાદમાં: નમાજ પઢતા યુવક-યુવતીનો VIDEO વાયરલ થતા હોબાળો, પોલીસ પ્રશાસન એલર્ટ

• વડોદરા MS યુનીમાં યુવક-યુવતીનો વાયરલ વીડિયોનો મામલો
• સંસ્કૃત વિભાગની બહાર નમાઝ પઢતા યુવક-યુવતીનો વીડિયો થયો હતો વાયરલ
• સંસ્કૃત વિભાગના  ડીન ડો.રામપાલ શુક્લએ પોતાનો બચાવ કર્યો
• ઘટના ક્યારે બની તેની અમને કોઈ જાણકારી નથી-ડો.રામપાલ
• યુનિવર્સીટીમાં આવી ઘટના નિંદનીય, સમગ્ર મામલે વિદ્યાર્થીઓનું કરાશે કાઉન્સિલિંગઃ યુનિ

વડોદરાની MS યુનિવર્સિટી ફરી એકવાર વિવાદમાં આવી છે. પ્રાથમિક વિગતો મુજબ MS યુનિવર્સિટીમાં નમાજ પઢતા યુવક-યુવતીનો વીડિયો વાયરલ થયો છે. માહિતી મુજબ સંસ્કૃત વિભાગની બહાર નમાજ પઢતા યુવક-યુવતીનો વીડિયો વાયરલ થતાં વિવાદ શરૂ થયો છે. આ તરફ વાયરલ વીડિયો મામલે સંસ્કૃત વિભાગના ડીન ડૉ.રામપાલ શુક્લએ બચાવ કરતાં કહ્યું કે, ઘટના ક્યારે બની તેની અમને જાણકારી નથી. 

MS યુનિવર્સિટી વિવાદમાં 

વડોદરાની મહારાજ સયાજીરાવ યુનિવર્સિટી ફરી એકવાર વિવાદમાં આવી છે. વિગતો મુજબ વડોદરાની MS યુનિવર્સિટીના પરીક્ષા આપવા આવેલ બે વિદ્યાર્થીઓ એ કેમ્પસમાં નમાજ અદા કરી હતી. આ વિદ્યાર્થીઓ દ્વારા સંસ્કૃત વિભાગ બહાર જ નમાજ પઢવામાં આવી હોવાનું પણ ચર્ચાઇ રહ્યું છે. જોકે આ મામલે સંસ્કૃત વિભાગના ડીન ડૉ.રામપાલ શુક્લએ કહ્યું છે કે, અમને વીડિયો અંગે કોઈ માહિતી નથી. 

શું કહ્યું સંસ્કૃત વિભાગના ડીને ? 

સમગ્ર મામલે MS યુનિવર્સિટી સંસ્કૃત વિભાગના ડીન ડૉ.રામપાલ શુક્લએ બચાવ કરતાં જણાવ્યું હતું કે, ઘટના ક્યારે બની તેની અમને કોઈ જાણકારી નથી. અમારા ગેટની બહાર ઘટના બને તો અમને કઈ રીતે જાણ થાય ? અમને વીડિયો અંગે કોઈ માહિતી નથી. આ સાથે તેમણે કહ્યું હતું કે , કોઈ પણ ધર્મ હોય તેની પૂજા કે નમાજ નિશ્ચિત સ્થાને જ યોગ્ય લાગે. પૂજા કે નમાજ માટે જો કોઈ જ્ઞાન ન હોય તો જ્યાં ત્યાં થાય નહિ. 
 
નમાજ વિવાદ અંગે યુનિવર્સિટીએ શું કહ્યું ? 

વડોદરા MS યુનીમાં નમાજ મામલે હવે યુનિવર્સિટી દ્વારા ખુલાસો કરાયો છે. યુનિવર્સિટી દ્વારા કહેવામાં આવ્યું છે કે, યુનિવર્સીટીમાં આવી ઘટના નિંદનીય છે, સમગ્ર મામલે વિદ્યાર્થીઓનું કાઉન્સિલિંગ કરાશે. આ સાથે કહ્યું હતું કે, આવી ઘટના પુનઃ ઘટશે તો કાર્યવાહી થશે. નોંધનીય છે કે, MS યુનીમાં બીજી વખત નમાજ પઢવાની ઘટના બની છે.