નવો નિયમ / ...તો youtubeના ચાહકોની વધી શકે છે હાડમારી, કંપનીએ કર્યો મોટો બદલાવ

• youtube જાહેરાતોવાળી પરેશાની વધારી શકે છે 
• મોટી સ્ક્રીન પર યુટ્યુબ જોતા યુઝર્સને હવે લાંબી જાહેરાતો નિહાળવી પડશે
• નવી પદ્ધતિ આપનવવાની દિશામાં કાર્ય કંપની કાર્યશીલ

Youtube એ સોશિયલ મીડિયાના સૌથી લોકપ્રિય પ્લેટફોર્મની ગણનામાં સ્થાન પામે છે. લોકો વીડિયો જોવા બનાવવાની શેર કરવા માટે મોટાભાગે youtube નો ઉપયોગ કરતા હોય છે. પરંતુ કંપની હવે youtube ના અમુક ફંક્શનમાં બદલાવ કરવા જઈ રહ્યો છે. જેને લઈને યુઝર્સને થોડી હાડમારી ભોગવવાનો વારો આવી શકે છે. એક બ્લોગ પોસ્ટમાં, ગૂગલે જણાવ્યું છે કે સ્માર્ટ ટીવી અને મોટી સ્ક્રીન પર યુટ્યુબ કન્ટેન્ટ જોનારા વપરાશકર્તાઓને હવે લાંબી જાહેરાતો નિહાળવી પડશે. યૂઝર્સને 30 સેકન્ડના સમયગાળાની જાહેરાતો બતાવશે અને જાહેરાતો જોયા બાદ જ વીડિયો જોઈ શકાશે.હાલમાં, YouTube દ્વારા 15-લ સેકન્ડની જાહેરાતો બતાવવામાં આવે છે, તેમાં પણ સ્કીપ કરવાની સુવિધા અપાઇ છે.

ફીડબેકના આધારે કંપની આગળની રણનીતિ નક્કી કરશે

YouTube પ્રીમિયમ સબ્સ્ક્રાઇબ ન કરવા બાદલ નાછૂટકે લાંબી જાહેરાતો જોવાની નોબત આવશે. લાંબી જાહેરાતોને સ્કીપ કરવાનો વિકલ્પ આપી શકે છે. જો કે, અત્યારે આ ફેરફાર માત્ર યુ.એસ.માં યુટ્યુબ સિલેક્ટ પર કન્ટેન્ટ જોઈ રહેલા યુઝર્સ માટે જ લાગુ કરવામાં આવ્યો છે. શક્ય છે કે યુઝર્સ તરફથી મળેલા ફીડબેકના આધારે કંપની આગળની રણનીતિ નક્કી કરશે.

ભારતમાં YouTube પોતાના યુઝર્સને 30 સેકન્ડ જેટલી લાંબી જાહેરાતો આપતું નથી 

હાલની સ્થિતિએ ભારતમાં YouTube પોતાના યુઝર્સને 30 સેકન્ડ જેટલી લાંબી જાહેરાતો બતાવતું નથી. અમુક કિસ્સામાં વખત 15 સેકન્ડની બે જાહેરાતો બતાવવામાં આવે છે જે હેરાન કરે છે. વધુમા ક્યારેક વીડિયોમાં વચ્ચે પણ જાહેરાતો આવતી હોય છે. જેને વારંવાર છોડવી પડે છે. તે પ્રકાશમાં આવ્યું છે કે યુઝર્સ જો એડબ્લોકર્સનો ઉપયોગ કરે છે તો યુટ્યુબ ટૂંક સમયમાં જ તેમને વિડિઓઝની ઍક્સેસ આપવાનું બંધ કરશે, જેનો અર્થ છે કે નાછૂટકે પણ જાહેરાતો જોવી જ પડશે.