પ્રતિજ્ઞા / જ્યાં સુધી દેશ કોરોના મુક્ત નહીં  થાય , ત્યાં સુધી મારા પેટમાં અન્નો દાણો નહીં જાય : ભાજપના મંત્રી

• કોરોના ન જાય ત્યાં સુધી અન્ન ગ્રહન નહીંની પ્રતિજ્ઞા 
• પ્રતિજ્ઞાને કારણે જ આતંકવાદની કમર તૂટી ગઈ 
• UPના શહેરી વિકાસ રાજ્યમંત્રી મહેશ ગુપ્તાની પ્રતિજ્ઞા

ઉત્તર પ્રદેશ સરકારના શહેરી વિકાસ રાજ્ય મંત્રી મહેશ ગુપ્તાએ ભીષ્મ પ્રતિજ્ઞા લીધી હોવાનો દાવો કર્યો છે તેમણે કહ્યું હતું કે જ્યાં સુધી કોરોના નામની વૈશ્વિક મહામારી દેશમાંથી નાબૂદ નહીં થાય ત્યાં સુધી તે અન્નો ત્યાગ કરશે એટલે અન્નો એક દાણો પણ લેશે નહીં આમ તેમણે દેશમાં કોરોના છે ત્યાં સુધી ખોરાક નહીં લેવાની પ્રતિજ્ઞા લીધી હોય તેવો દાવો કર્યો છે. 

પ્રતિજ્ઞા લીધી હતી તેનું પરિણામ છે કે આતંકવાદની પીઠ તૂટી ગઈ 

ઉત્તર પ્રદેશ સરકારના શહેરી વિકાસ રાજ્યમંત્રી મહેશ ગુપ્તા ગુરુવારે ઇટા પહોંચ્યા હતા.  જ્યાં તેમણે મીડિયા સાથે વાત કરતાં તેમણે ભીષ્મ પ્રતિજ્ઞા લેવાનો મોટો દાવો કર્યો હતો. તેમણે કહ્યું હતું કે જ્યાં સુધી કોરોના નામની વૈશ્વિક રોગચાળા દેશમાંથી નાબૂદ નહીં થાય ત્યાં સુધી તે ખોરાક લેશે નહીં. સાથે એવું પણ જણાવ્યું કે છેલ્લા એક વર્ષથી તેમણે ખોરાક  લીધો નથી.  તેમણે ભારતમાંથી આતંકવાદના સંપૂર્ણ નાબૂદ માટે ભૂતકાળમાં તપશ્ચર્યા કરી હતી અને પ્રતિજ્ઞા લીધી હોવાનું જણાવ્યું હતું અને કહ્યું કે મેં જ્યાં સુધી આતંકવાદનો નાશ ન થાય ત્યાં સુધી તે ખોરાક લેશે નહીં. તેવી પ્રતિજ્ઞા લીધી હતી તેનું પરિણામ એ છે કે આજે આતંકવાદ અંતિમ શ્વાસ લઈ રહ્યો છે. આતંકવાદની પીઠ તૂટી ગઈ છે.

પીએમ મોદીનો જાદુ વિદેશી ધરતી પર પણ ચાલે છે

વડાપ્રધાન નરેન્દ્ર મોદીને રાષ્ટ્રીય નાયક જ નહીં પરંતુ વિશ્વ નાયક ગણાવતાં તેમણે કહ્યું કે પીએમ મોદીનો જાદુ વિદેશી ધરતી પર પણ ચાલે છે. તેમણે કોરોના સમયગાળા દરમિયાન દવા આપીને બ્રાઝિલને જીવન આપ્યું છે. અમેરિકા પણ પીએમ મોદીની નીતિઓ પર વારી ગયું છે. મુખ્યમંત્રી યોગી આદિત્યનાથે પણ કોરોનાના બીજી લહેર દરમિયાન સતત રાજ્યની મુલાકાત લીધી. યોગીએ જીવનની પરવા કર્યા વિના, રાજ્યના લોકોના જીવનની સુરક્ષા માટે બધું દાવ પર લગાવી દીધું હોવાનું જણાવ્યું હતું. 

તપસ્યાના પરિણામે જ રાજ્યમાં બીજી લહેરને નિયંત્રિત કરી શક્યા 

મંત્રી મહેશ ગુપ્તા જણાવે છે કે આજે તેમની તપસ્યાનું પરિણામ છે કે રાજ્ય બીજી લહેરને નિયંત્રિત કરી શક્યા છીએ જેણે ખુબજ વિનાશ વેર્યો હતો અને પ્રબળ બની હતી. રાજ્ય કોવિડની ત્રીજી સંભવિત લહેર શક્યતાઓ સેવાઈ રહી છે ત્યારે અત્યારથી સંપૂર્ણ રીતે તૈયારીઓ કરી લેવામાં આવી છે. દરેક જિલ્લામાં બાળકો માટે અલગ વોર્ડ તૈયાર કરવામાં આવ્યા છે. તમામ જરૂરી મશીનરી ત્યાં મોકલી દેવામાં આવી છે.