દિલ્હી / ઉન્નાવ બળાત્કારની પીડિતા વેન્ટિલેટર પર, ડૉક્ટરોએ કહ્યું આવતા 48 કલાક અતિ મહત્વપૂર્ણ

• ઉન્નાવ ગેંગરેપ પીડિતા દિલ્હીના સફદરજંગ હોસ્પિટલમાં ભરતી
• ડૉક્ટર દ્વારા પીડિતાને બચાવવા માટે શક્ય તમામ કોશિશ કરાઇ રહી છે
• ઉન્નાવ ગેંગરેપ પીડિતાની હાલત ગંભીર 

હોસ્પિટલ તરફથી શુક્રવારે કહેવામાં આવ્યું છે કે, પીડિતા 90 ટકા સળગી ગઇ છે. આ સ્થિતિમાં તેને બચાવવી મુશ્કેલ છે. સફદરજંગ હોસ્પિટલના મેડિકલ સુપ્રિટેન્ડેન્ટે કહ્યું કે પીડિતા 90 ટકા સળગી ગઇ છે અને બેભાન છે. તથા આવતા 24થી 48 કલાક મહત્વપૂર્ણ છે. 

Dr Sunil Gupta, Medical Superintendent of Safdarjung Hospital, Delhi: The victim (woman who was set ablaze in Unnao,UP and was later airlifted to Delhi yesterday) has received 90% burn injuries. We have put her on ventilator. Her vitals are fine but she is unconscious. pic.twitter.com/RkvXJobJRL

— ANI (@ANI) December 6, 2019

નોંધનીય છે કે, ઉન્નાવ રેપ પીડિતાને ગુરુવારે મોડી રાત્રે લખનઉની સિવિલ હોસ્પિટલથી એરલિફ્ટ કરીને દિલ્હીના સફદરજંગ હોસ્પિટલમાં ભરતી કરાઇ હતી.

દિલ્હીના સફદરજંગ હોસ્પિટલમાં ઉન્નાવ કાંડની પીડિતાનો ઇલાજ ચાલી રહ્યો છે. ઇલાજ દરમિયાન પીડિતાના ભાઇએ કહ્યું કે આરોપીઓને છોડવામાં ન આવે. પીડિતાએ કહ્યું કે તે મરવા ઇચ્છતી નથી, આરોપીઓને છોડવામાં ન આવે. હાલ પીડિતાની સ્થિતિ ગંભીર છે. 

પોલીસ મુજબ, રેપ પીડિતાને સળગાવવાના મામલામાં પાંચ આરોપીઓની ધરપકડ કરાઇ છે. બીજી તરફ મુખ્યમંત્રી યોગી આદિત્યનાથે મામલાને ધ્યાને લેતા પીડિતાનો ઇલાજ કરાવવા અને આરોપીઓ વિરુદ્ધ કડક કાર્યવાહી કરવાના આદેશ આપ્યા છે.