આપઘાત / ગાંધીનગરમાં વેલેન્ટાઇન ડેના દિવસે જ હાથે દુપટ્ટો બાંધી કેનાલમાં ઝંપલાવ્યુ તો ભાવનગરમા ઝાડ પર લટકાઇ મોત વ્હાલું કર્યુ

• ભાવનગરના સિહોરમાં પ્રેમી પંખીડાએ આપઘાત કર્યો
• ગાંધીનગરમાં પ્રેમી યુગલે વેલેન્ટાઈન ડેના દિવસે જ કર્યું મોત વ્હાલુ
• પોલીસે વધુ તપાસ માટે આગળની કાર્યવાહી હાથ ધરી 

આજે રાજ્યમાં 'બુધવાર' કમકમાટી ભર્યો સાબિત થયો છે. આજે ગુજરાતમાં પાંચ જેટલી ઘટનાઓ અકસ્માતની સામે આવી છે જેમાં 10 લોકોના મોત થયાં છે. જ્યારે આપઘાતના પ્રયાસની એક ઘટના સામે આવી છે. તેમજ આપઘાતની પણ બે ઘટના સામે આવી છે જેમાં ચારના મોત થયાં છે. ભાવનગરના સિહોર તાલુકા પંચાયતના મેદાનમાં પ્રેમી પંખીડાએ આપઘાત કર્યો છે. તેમજ ગાંધીનગરની જમીયતપુરા કેનાલમા જંપલાવી યુગલે કરી આત્મહત્યા કરી છે

સિહોર તાલુકા પંચાયતના મેદાનમાં પ્રેમી પંખીડાનો આપઘાત
ભાવનગરના સિહોર તાલુકા પંચાયતના મેદાનમાં પ્રેમી પંખીડાએ આપઘાત કર્યો છે. પંચાયત કચેરીમાં યુવક-યુવતીએ જોડે ગળાફાંસો ખાધો છે. યુવક-યુવતી સિહોરના હોવાનું સામે આવ્યુ છે. મૃતક યુવકના ખિસ્સામાંથી આધાર કાર્ડની કોપી મળી આવી છે. પોલીસે ઘટના સ્થળે પહોંચી વધુ તપાસ હાથ ધરી છે.

ગાંધીનગર પ્રેમી યુગલે કરી આત્મહત્યા
ગાંધીનગરની જમીયતપુરા કેનાલમાં પ્રેમી યુગલે વેલેન્ટાઈન ડેનાં દિવસે જ કર્યું મોતને વ્હાલું કર્યુ છે. જેમાં પ્રેમી યુગલે હાથે દુપટ્ટો બાંધી કેનાલમાં મોતની છલાંગ લગાવી હતી. ઘટનાની જાણ થતા ફાયર વિભાગ ઘટના સ્થળે દોડી આવી હતી અને ફાયર વિભાગે દુપટ્ટો બાંધેલી હાલતમાં લાશ બહાર કાઢી હતી. આ મામલે તપાસ કરતા જાણવા મળ્યું હતું કે આત્મહત્યા કરનાર યુગલ માંથી યુવક અમદાવાદનો અને યુવતી કચ્છની રહેવાસી હતી. પોલીસે વધુ તપાસ માટે આગળની કાર્યવાહી હાથ ધરી હતી