- ટિકટોક સ્ટાર કીર્તિ પટેલ ફરી વિવાદમાં આવી
- કીર્તિ પટેલે મહિલા સાથે મારામારી કરતા મહિલાએ ફરિયાદ કરી
- મહિલાએ વસ્ત્રાપુર પોલીસ મથકે નોંધાવી ફરિયાદ
ટિકટોક સ્ટાર કીર્તિ પટેલ ફરી એકવાર વિવાદમાં આવી છે. જેમાં અમદાવાદ ખાતે રહેતી મહિલાનાં પતિ સાથે કીર્તિ પટેલે વાતચીત કરતા મામલો બિચક્યો હતો. ત્યારે કીર્તિ પટેલે મહિલા સાથે મારામારી કરી હોવાની ફરિયાદ મહિલાએ વસ્ત્રાપુર પોલીસ મથકે નોંધાવતા પોલીસે કીર્તી પટેલ વિરૂદ્ધ ગુનો નોંધી તપાસનાં ચક્રોગતિમાન કર્યા છે. કીર્તિ પટેલ વિરૂદ્ધ અગાઉ પણ વસ્ત્રાપુર પોલીસ મથકમાં ગુનો નોંધાઈ ચૂક્યો છે.
અગાઉ પણ વિવાદમાં આવી ચૂકી છે કીર્તિ પટેલ
2022ની 23 ડિસેમ્બરે કીર્તિ પટેલ અને તેના સાથીદારોની જૂનાગઢના ભેંસાણમાં ધરપકડ કરવામાં આવી હતી. પોલીસે મામની ધરપકડ કરવાની સાથે પોલીસે 2 કાર પણ જપ્ત કરી હતી. જેની વિગતો એવી હતી કે, કીર્તિ પટેલે ઈન્સ્ટાગ્રામમાં વીડિયો બનાવી ભેંસાણના યુવક જમન ભાયાણીને માર મારવાની ધમકી આપી હતી. યુવકને માર મારવા કીર્તિ પટેલ સાથીદારો સાથે જૂનાગઢના ભેંસાણમાં પહોંચી હતી. ભેંસાણ પોલીસે તમામની કરી ધરપકડ હતી. આ સાથે જ ટિકટોક સ્ટાર કીર્તિ પટેલ સામે ગુનો પણ દાખલ કરવામાં આવ્યો હતો .
2022નાં મે મહિનામાં વસ્ત્રાપુર પોલીસે કરી હતી ધરપકડ
વિવાદિત ટિકટોક ગર્લ કીર્તિ પટેલની વસ્ત્રાપુર પોલીસે ગત મે મહિનામાં ધરપકડ કરી હતી. થોડા સમય અગાઉ એસજી હાઈવે નજીક થયેલી મારામારીના ગુનાની અદાવત રાખીને વસ્ત્રાપુરની યુવતીને ધમકી આપી સોશિયલ મીડિયામાં તેના વિશે બીભત્સ લખાણ અને ફોટા વાયરલ કરવા કરવા બદલ કીર્તિ પટેલ અને ભરત ભરવાડ સામે વસ્ત્રાપુર પોલીસે ગુનો દાખલ કર્યો હતો. જે ગુનામાં કીર્તિ પટેલ અને ભરત ભરવાડ સામે ગુનો નોંધાતા તે પોતે પોલીસ સમક્ષ હાજર થઈ હતો અને ખોટો કેસ કર્યો હોવાનું રટણ કરી રહી હતી.
