દરેક મેચમાં એક ટીમ જીતે છે તો બીજીની હાર થાય છે. એટલા માટે આજેથી પહેલા જ્યારે જ્યારે ટીમ ઇન્ડિયા હારી અથવા જીતી, એને મહેન્દ્ર સિંહ ધોની સામાન્ય રીતે લેતો હતો. જીતથી વધારે ઉત્સાહિત પણ નહતો થતો અને હારથી વધારે માયૂસ પણ નહતો થતો. પરંતુ આજે પહેલી વખત ધોનીના ચહેરા પર ઉદાસી જોવા મળી, એવી ઉદાસી કે એના ચહેરા પર આશરે 15 વર્ષના કરિયરમાં ક્યારેય જોવા મળી નથી.
વાસ્તવમાં, અજીબવ સંયોગ છે કે જે મહેન્દ્ર સિંહ ધોનીએ પોતાની સિક્સરથી 2011ના વર્લ્ડકપની ફાઇનલ ફિનિશ કરી હતી અને 1983 બાદ બીજી વખત ભારતને વર્લ્ડકપ જીતાડ્યો હતો. એ ધોની ન્યૂઝીલેન્ડની વિરુદ્ધ મોટી મેચને યોગ્ય રીતે ફિનિશ કરવાથી ચૂકી ગયો.
ધોની માટે આ મેચ એક તરફ વર્લ્ડકપની છેલ્લી મેચ હતી, એટલા માટે એ છેલ્લી ક્ષણ સુધી મેદાનમાં સંઘર્ષ કરતો જોવા મલ્યો. એક તરફ રવીન્દ્ર જાડેજા મોટા શૉટ મારી રહ્યો હતો તો બીજી તરફ ધોની સમજી વિચારીને પોતાની ઇનિંન્ગને આગળ વધારી રહ્યો હતો. તે દરેક બોલ બાદ જાડેજાને સમજાવી રહ્યો હતો કે આગળ કેવી રીતે રમવાનું છે.
એક સમય તો એવો આવી ગયો જ્યારે મહેન્દ્ર સિંહ ધોની અને રવીન્દ્ર જાડેજાએ જીતની આશા જગાડી દીધી હતી. પરંતુ 48મી ઓવરમાં રવીન્દ્ર જાડેજા આઉટ થઇ ગયો. ત્યારબાદ ધોનીએ એકલાએ મોર્ચો સંભાળ્યો અને 49મી ઓવરમાં જોરદાર છગ્ગા મારીને લોકોની આશા વધારી દીધી.
અત્યાર સુધી ધોની પોતાની રનિંગ માટે જાણીતો હતો, પરંતુ આ મોટી મેચમાં એ રનઆઉટ થઇ ગયો. 49મી ઓવરમાં ધોનીના રનઆઉટ થતાં જ ટીમ ઇન્ડિયાની હાર પણ નક્કી થઇ ગઇ. ધોની અંત સુધી રમતો તો કદાચ મેચનું પરિણામ બદલાઇ જતું.
રનઆઉટ થઇને જ્યારે ધોની પેવેલેયિન તરફ પરત ફરી રહ્યો હતો તો એ ખૂબ જ ઉદાસ હતો. એ મેદાનની બહાર નિકળી રહ્યો તો પણ ચાલી શકતો નહતો. આ પહેલા તમે ક્યારેય ધોનીને આવી રીતે દુખી જોયો હશે નહીં.
ધોની જ્યારે ક્રીઝથી પરત પવેલિયન ફરી રહ્યો હતો તો એનું માથું ઝુકેલું હતું. યોગ્ય રીતે ચાલી શકતો નહતો. , લાગી રહ્યું હતું કે મેદાન પર કંઇક છૂટી રહ્યું છે. જણાવી દઇએ કે ધોની માટે આ ચોથો વર્લ્ડકપ હતો.
આમ તો હારથી લોકો ઉદાસ છે, પરંતુ સોશિયલ મીડિયા પર રવીન્દ્ર જાડેજા અને મહેન્દ્ર સિંહ ધોનીના જોરદાર વખાણ થઇ રહ્યા છે. ભારતીય ક્રિકેટ પ્રશંસક લખી રહ્યા છે કે 'મેચ ન્યૂઝીલેન્ડે જીતી, પરંતુ દિલ ધોની અને જાડેજાએ જીત્યું. '
