- દક્ષિણ સુદાનમાં વિવાદાસ્પદ ફૂટેજ સામે આવ્યા બાદ છ પત્રકારોની ધરપકડ
- રાષ્ટ્રપતિ સલવા કીરનો રાષ્ટ્રગીત દરમિયાન પેન્ટમાં પેશાબ કર્યાનો વિડીયો
- આ વીડિયો શેર કરવા બદલ છ પત્રકારોને જેલમાં મોકલવામાં આવ્યા
ઉત્તર આફ્રિકાના દેશ દક્ષિણ સુદાનમાં વિવાદાસ્પદ ફૂટેજ સામે આવ્યા બાદ છ પત્રકારોની ધરપકડ કરવામાં આવી છે. વીડિયોમાં દક્ષિણ સુદાનના રાષ્ટ્રપતિ પોતાના પેન્ટમાં પેશાબ કરતા જોવા મળે છે. ગયા મહિને એક કાર્યક્રમમાં રાષ્ટ્રપતિ સલવા કીર રાષ્ટ્રગીત દરમિયાન તેમના પેન્ટ પર કાળો ડાઘ ફેલાવતા જોવા મળ્યા હતા, જેનાથી ફ્લોર પર મોટી ભીની નિશાની હતી. 71 વર્ષીય નેતા લાકડીની મદદથી ઉભા છે, તેમની નીચે જમીન પરના નિશાનને જુએ છે, જે પછી કેમેરા આગળ વધે છે. આ વીડિયો શેર કરવા બદલ છ પત્રકારોને જેલમાં મોકલવામાં આવ્યા છે.
દેશના પત્રકાર સંઘે જણાવ્યું હતું કે, દક્ષિણ સુદાન બ્રોડકાસ્ટિંગ કોર્પોરેશન માટે કામ કરતા છ પત્રકારોની ફૂટેજ માટે અટકાયત કરવામાં આવી હતી. મંગળવાર અને બુધવારે તેમની ધરપકડ કરવામાં આવી હતી. યુનિયનના પ્રમુખ પેટ્રિક ઓએટે પત્રકારોને કેમેરામેન જોસેફ ઓલિવર અને મુસ્તફા ઓસ્માન, વિડીયો એડિટર વિક્ટર લાડો ,ફાળો આપનારા જેકબ બેન્જામિન અને ચેરબેક રુબેન અને જોવલ ટૂમ્બે તરીકે નામ આપ્યું હતું.
કાયદાના નિયમો કરતાં વધુ સમયથી જેલમાં
ઓયતે કહ્યું કે, અમે બધા ચિંતિત છીએ કારણ કે, જેમની ધરપકડ કરવામાં આવી છે તેઓ લાંબા સમયથી અંદર છે. દક્ષિણ સુદાનનો કાયદો જણાવે છે કે, લોકોને ન્યાયાધીશ સમક્ષ લાવવામાં આવે તે પહેલા મહત્તમ 24 કલાક સુધી કસ્ટડીમાં રાખવામાં આવે છે. કમિટિ ટુ પ્રોટેક્ટ જર્નાલિસ્ટ્સે જણાવ્યું હતું કે, ડિસેમ્બરમાં સોશિયલ મીડિયા પર વાયરલ થયેલા વીડિયો અંગે પત્રકારોની તપાસ ચાલી રહી હતી. મહત્વનું છે કે, જુલાઈ 2011માં સુદાનથી અલગ થયા ત્યારથી 71 વર્ષીય કીર દક્ષિણ સુદાનની કમાન સંભાળી રહ્યા છે.
પત્રકારોની ધરપકડનું કારણ શું ?
સમિતિના સબ-સહાર આફ્રિકન પ્રતિનિધિ મુથોકી મુમોએ જણાવ્યું હતું કે, જ્યારે પણ અધિકારીઓને કોઈપણ કવરેજ પ્રતિકૂળ લાગે છે, ત્યારે તેઓ મનસ્વી ધરપકડનો આશરો લે છે. તેમણે કહ્યું કે, સત્તાવાળાઓએ આ છ પત્રકારોને બિનશરતી મુક્ત કરવા જોઈએ. ઉપરાંત એ સુનિશ્ચિત કરવું જોઈએ કે, તેઓ કોઈપણ ધાકધમકી કે ધરપકડના ડર વગર કામ કરી શકે. દક્ષિણ સુદાનના માહિતી મંત્રી માઈકલ મકયુઈએ વોઈસ ઓફ અમેરિકા રેડિયોને જણાવ્યું હતું કે, પત્રકારોની અટકાયત કેમ કરવામાં આવી તે જાણવા માટે લોકોએ રાહ જોવી પડશે.
