અદ્દલ કારિગીરી / દુનિયાની સૌથી મોંઘી ચાની કીટલી, 1658 હીરા, 6.67 કેરટનો રૂબી ઉપયોગ, ભારત સાથે છે ખાસ નાતો, કિંમત દાઝી જાય તેવી

• દુનિયાની સૌથી મોંઘી ચાની કીટલી
• 2016માં દુનિયાની સૌથી મોંઘી કીટલી અંગે ગિનિસ વર્લ્ડ રેકોર્ડ્સ દ્વારા જાહેરાત
• ભારત સાથે છે ખાસ નાતો

2016માં ગિનિસ વર્લ્ડ રેકોર્ડ્સ દ્વારા હીરા અને રૂબીથી ઝડિત ચાની કીટલીને દુનિયાની સૌથી મોંઘી કીટલીના રૂપમાં માન્યતા આપવામાં આવી હતી. ધ ઈગોઈસ્ટ નામના ટેબલવેરના આ ચમકતા ભાગને બ્રિટિશ-ભારતીય અબજોપતિ નિર્મલ શેઠિયાની યુકે ચેરિટી અને શેઠિયા ફાઉન્ડેશન દ્વારા બનાવાઈ છે.

This is the most valuable teapot in the world.

Owned by the N Sethia Foundation in the UK, the teapot is made from 18-carat yellow gold with cut diamond covering the entire body and a 6.67-carat ruby in the centre.

The teapot's handle is made from fossilised mammoth ivory.

It… pic.twitter.com/TFZZF63YiW

— Guinness World Records (@GWR) August 9, 2023

1,658 હીરા અને 386 થાઈ અને બર્મીઝ માણેકથી મઢવામાં આવ્યું

નિર્મલ શેઠિયાએ આ મોંઘી કીટલીની ડિઝાઇન કરી હતી અને તેની કંપની ન્યૂબી ટીઝ દ્વારા પ્રાયોજિત કરવામાં આવી છે. ચાના વેપારીઓ શ્રેષ્ઠ ચાને શ્રદ્ધાંજલિ આપવા માટે એક કીટલી બનાવવા માંગતા હતા. અને તેથી 'ધ ઇગોઇસ્ટ'નો જન્મ થયો ગિનિસ વર્લ્ડ રેકોર્ડ્સમાં કરાયેલા દાવા અનુસાર ઇટાલિયન જ્વેલર ફુલવીઓ સ્કેવિયાએ બનાવેલી આ કીટલી 18 કેરેટ સોના અને સોનાનો ઢોળ ચડાવેલ ચાંદીથી મઢેલ છે. જે 1,658 હીરા અને 386 થાઈ અને બર્મીઝ માણેકથી મઢવામાં આવ્યું છે. જે તેના બાહ્ય ભાગમાં લાલ રંગની છાપ છોડે છે અને તેના સેન્ટરમાં શોસ્ટોપર 6.67 કેરેટ થાઈ રૂબીનો શણગાર કરાયો છે.

 ટ્વિટર યુઝર્સ આશ્ચર્યચકિત થઈ ગયા

કીટલીમા અદભૂત રત્નો ટાંકવામાં આવ્યા હોવા છતાં ઉડીને આંખે વળગે તેવી વાતમાં હેન્ડલ છે. જે મોલ્ડેડ મેમથ હાથી દાંતમાંથી બનાવવામાં આવ્યું છે અને દરેક ખૂણામાં હીરા ટાંકવામાં આવ્યા છે. જ્યારે 2016માં આ કીટલીની કિંમત $3 મિલિયન એટલે કે લગભગ 24.8 કરોડ રૂપિયા અંકાઈ હતી. તાજેતરમાં ગિનીસ વર્લ્ડ રેકોર્ડ્સ દ્વારા સત્તાવાર રીતે તેની તસવીરો ટ્વીટ કરવામાં આવતા વધુ એક વખત લોકોનું ધ્યાન ખેંચાયું છે. આટલી મોંઘી કીટલીને લઈને મોટી સંખ્યામાં ટ્વિટર યુઝર્સ આશ્ચર્યચકિત થઈ ગયા છે.