બાપ રે! / કંગના જે ઈચ્છતી હતી તે કરવા હું કંફર્ટેબલ ન હતો અને એટલે જ મેં Manikarnika ફિલ્મ છોડી : સોનુ સૂદ

• મણિકર્ણિકા છોડવા પર સોનૂનો ખુલાસો
• કંગનાએ કાપી નાંખ્યા હતા  સોનૂના સીન
• 4 મહિના શૂટિંગ બાદ સોનૂએ છોડી ફિલ્મ

2019માં આવેલી ફિલ્મ મણિકર્ણિકા ખૂબ વિવાદમાં રહી કારણકે તે ફિલ્મને ડાયરેક્ટર અને એક્ટર સોનૂ સુદે ગુડબાય કહી દીધુ હતુ. કૃષે એવો આરોપ લગાવ્યો હતો કે કંગના તેમના કામમાં એક હદથી વધારે દખલ આપે છે. આ જ પ્રકારનો આરોપ સોનુ સૂદે પણ કંગના પર લગાવ્યો હતો. 

જ્યારે સોનૂને સવાલ પૂછવામાં આવ્યો કે તેણે શા કારણે ફિલ્મ છોડી ત્યારે સોનૂએ કહ્યું કે કંગના મારી સારી મિત્ર છે તેને હું હર્ટ કરવા નથી માંગતો પરંતુ તેને એક મેઇલ મળ્યો હતો જેમાં લખ્યુ હતુ કે હવે તે આ ફિલ્મનો હિસ્સો નથી. 

આગળ સોનૂએ કહ્યું કે, કંગના ફિલ્મને ડાયરેક્ટ કરવા માંગતી હતી અને તે ઇચ્છતી હતી કે હું તેને આ કામમાં સપોર્ટ કરું. મે કંગનાને કહ્યું કે આપણે નિર્દેશક સાથે વાત કરવી જાઇએ પરંતુ કંગનાએ એવુ કંઇ પણ ન કર્યુ અને ફિલ્મનુ ડિરેક્શન કરવા લાગી. બાદમાં જ્યારે મેં ફિલ્મ જોઇ તો મારા 80 ટકા સીન કાપી નાંખવામા આવ્યા હતા જેમાં હુ વાર્તા નેરેટ કરી રહ્યો છું. 

આ બાબતે જ્યારે મેં કંગના સાથે વાત કરી ત્યારે તેણે કહ્યું કે તે ફિલ્મને એક અલગ અંદાજમાં શૂટ કરવા માગે છે. ત્યારે મે તેને કહ્યું કે તુ મારી મિત્ર છે પરંતુ તુ જે અંદાજમાં શૂટ કરવાનુ કહી રહી છે તેમાં હું કમ્ફર્ટેબલ નથી. જૂની સ્ક્રિપ્ટ અને ડાયરેક્ટર માટે મે હા કહ્યું હતુ. 

આ વાત બાદ સોનૂએ ફિલ્મને અલવિદા કહી દીધુ હતુ. સોનૂએ ફિલ્મને 4 મહિનાનો સમય આપ્યો હતો અને ફિલ્મ છોડવા પર ખુબ દુખ પણ થયુ હતુ.