- પૂરતી ઊંઘ ન લેવી
- વિટામિન D ની ઉણપ
- ફળ અને શાકભાજીનું સેવન ન કરવું
શિયાળાની ઋતુમાં લોકો વધુ બીમાર થાય છે. ઠંડીનાં કારણે લોકોને શરદી-ઉધરસ અને કફ જેવી સમસ્યાઓ થાય છે. આમ તો આ સામાન્ય બીમારીઓ છે જે થોડા સમયની અંદર ઠીક થઈ જાય છે. પરતું તમને એમ લાગે કે તમે વારંવાર બીમાર પડી રહ્યા છો તો તેનું કારણ છે નબળી રોગપ્રતિકારક શક્તિ. રોગપ્રતિકારક શક્તિ બેક્ટેરિયા, વાયરસ અને અન્ય બીમારીઓ સામે તમારા શરીરનું રક્ષણ કરે છે. કેટલીક એવી વસ્તુ છે જે રોગપ્રતિકારક શક્તિને નબળી બનાવે છે. જાણો આ વસ્તુઓ વિશે.
પૂરતી ઊંઘ ન લેવી
સારા સ્વાસ્થ્ય માટે પૂરતી ઊંઘ ખુબજ જરૂરી છે. ઊંઘ દરમિયાન તમારું શરીર પ્રોટીન છોડે છે જે રોગપ્રતિકારક શક્તિને મદદ કરે છે. જેને સાઇટોકાઇન્સ કહેવાય છે. જો કોઈ વ્યક્તિ પૂરતી ઊંઘ ન લે તો રોગપ્રતિકારક શક્તિ નબળી પડી શકે છે. સંશોધન મુજબ, ઓછી ઊંઘ લેવાથી તમારું શરીર વાયરસ અને કીટાણુઓ પ્રત્યે સંવેદનશીલ બને છે. જેના કારણે લાંબા સમય સુધી સ્વસ્થ થવામાં વાર લાગે છે.
ચિંતા થવી
જો કોઈ વ્યક્તિ તણાવમાં હોય તો તેની રોગપ્રતિકારક શક્તિ 30 મિનિટની અંદર નબળી થઈ જાય છે.
વિટામિન D ની ઉણપ
શિયાળાની ઋતુમાં સૂર્ય પ્રકાસથી વિટામિન D મેળવવો મુશ્કેલ છે પણ અશક્ય નથી. એક અભ્યાસ મુજબ વિટામિન D ની ઉણપ રોગપ્રતિકારક શક્તિને નબળી બનાવે છે. આ સિવાય તમે સૅલ્મોન, સારડીન, હેરિંગ અને મેકરેલ માછલી, ઈંડા, લાલ માંસ વગેરેમાંથી પણ વિટામિન ડી મેળવી શકો છો.
વાંચવા જેવું: ડાયાબિટીસના દર્દીઓ લાઇફસ્ટાઇલમાં લાવો બદલાવ, આજથી જ તમારી 'ચા'માં આ ચીજ નાખવાનું બંધ કરો
ફળ અને શાકભાજીનું સેવન ન કરવું
ફળ અને શાકભાજી શરીરને સંક્રમણથી બચાવવા માટે સફેદ રક્તકણોનાં નિર્માણમાં મદદરૂપ થાય છે. ફળ અને શાકભાજીમાં ભરપૂર પ્રમાણમાં પોષક તત્વો હોય છે.
કસરત ન કરવી
વધુ પડતાં લોકો શિયાળાની અંદર ઘરમાં આરામ કરવાનું પસંદ કરે છે. તમે કસરત નહીં કરો તો તમારી રોગપ્રતિકારક શક્તિ નબળી પડી જશે. દરરોજ એરોબિક કસરત કરવાથી તમારા શરીરનું રક્ત પરિભ્રમણ સારું રહેશે.
