મામલો / 'અમારા જીવને જોખમ', અમદાવાદમાં VS હોસ્પિટલની છત ધરાશાયી થતા દર્દીઓમાં ભય, ઘટનાને લઇ જુઓ મેયર શું બોલ્યા

• અમદાવાદના વી.એસ.હોસ્પિટલમાં છત ધરાશાયી
• જર્જરિત બિલ્ડિંગની છતનો કેટલોક ભાગ ધરાશાયી
• ઓર્થોપેડિક વિભાગની બાજુના રૂમની છત ધરાશાયી

અમદાવાદ શહેરની જાણીતી વી.એસ હોસ્પિટલ છેલ્લા ઘણા સમયથી જર્જરિત હાલતમાં છે ત્યારે આજે ઓર્થોપેડિક વિભાગની છત ધરાશાયી થતા મોટી દુર્ઘટના થતા થતા રહી ગઈ છે. હાલ હોસ્પિટલની અનેક દીવાલો જર્જરિત હાલતમાં છે. વી એસ. હોસ્પિટલમાં ઓર્થોપેડિક વિભાગની રૂમની છત પણ તૂટી પડી છે. ત્યારે આ મોટી મનાતી હોસ્પિટલ સામે અનેક સવાલો ઉઠી રહ્યા છે. દર્દીઓ સારવાર માટે અહીં આવતા હોય છે ત્યારે અહીં મોટી બેદરકારી સામે આવી છે.

અમારા જીવને જોખમ છે: દર્દીઓ
દર્દીઓએ જણાવ્યું કે, અહી છત પડશે તો અમારા જીવને જોખમ છે અને અહીથી અન્ય જગ્યા એ ટ્રાન્સફર કરે તો સારું. દર્દીઓ કહ્યું કે, અમારા જીવને જોખમ છે આ જર્જરિત બલ્ડિંગ ક્યારે પણ પડે જેવી છે અને અહી છત પડશે તો અમારા જીવ ને જોખમ છે. તેમને જણાવી દઈએ કે, ઓર્થોપેડીક વિભાગની જર્જરિત છત નીચે દર્દીઓ દાખલ છે. 

મેયર કિરીટ પરમારનું નિવેદન
જર્જરિત હોસ્પિટલ મામલે મેયર કિરીટ પરમારનું નિવેદન સામે આવ્યું છે. તમણે કહ્યું કે, આ હોસ્પિટલનો તમામ ખર્ચ AMC ઉઠાવે છે અને કોર્પોરેશન LG અને શારદાબેન હોસ્પિટલ નવી બનાવી રહી છે. તેમણે ઉમેર્યું કે, VS હોસ્પિટલ નવી બનાવવા માટે તમામ પ્રક્રિયા પૂર્ણ કરાઇ છે અને VS હોસ્પિટલનો મામલો કોર્ટમાં ચાલું છે. નવી VS હોસ્પિટલ બનાવાનો નિર્ણય કોર્ટના નિર્ણય પર આધાર છે.

શહેઝાદ ખાન પઠાણ ભાજપ પર પ્રહાર 
આ અંગે કોંગ્રેસના નેતા શહેઝાદ ખાન પઠાણ ભાજપ પર જોરદાર પ્રહાર કર્યા હતા.અને જણાવ્યુ કે, વી.એસ હોસ્પિટલની હાલત એવી છે કે, ક્યારેય પણ તેમાં કાંઇ પણ થઇ શકે છે. તો બીજીબાજુ SVP હોસ્પિટલમાં ભાવ એટલા બધા છે કે, ગરીબ માણસ ત્યાં જવાનું વિચારી પણ નથી શકતો. ત્યારે ભારતીય જનતા પાર્ટીની માનસિકતા ગરીબ વિરોધી છે.