દે દારૂ / માસ્કનો દંડ ઉઘરાવવામાં વ્યસ્ત પોલીસને દારૂની દુર્ગંધ જ નથી આવતી!, રાજ્યમાં બેફામ દારૂનો વેપલો

• એક તો દીપાવલી અને દબાતે પગલે આવતો શિયાળો 
• બુટલેગરો બેફામ-દારુ પકડાયા કરતા પીવાઈ વધુ જાય છે 
• વડોદરા અને ગોંડલમાં ખુલ્લેઆમ થતું દારૂનું વેચાણ 

ગુજરાતમાં દીપાવલીના તહેવારોને વધુ મોજ-શોખથી મનાવવા બુટલેગરો સક્રિય થયા છે. ગુજરાતની દારુબંધીને 'કાગળ પરનો વાઘ'સમજતા બુટલેગરોએ ગુજરાતમાં વિદેશ દારૂનો જથ્થો ઘુસાડીને સંગ્રહ કરવાનું શરુ કરી દીધું છે.એક તરફ, દીપાવલીના તહેવારો અને ધીમે-ધીમે બદલાઈ રહેલી મોસમને ધ્યાનમાં લઈને 'પ્યાસીઓ'પણ સક્રિય થયા છે.  

વડોદરામાં મળ્યો 19 લાખથી વધુનો મુદ્દામાલ 

મધ્ય ગુજરાતના વડામથક સમા અને સંસ્કારી નગરી તરીકે ઓળખાતા  વડોદરામાંથી મોટા પ્રમાણમાં દારૂ પકડાયો છે. હાલોલ હાઈવે પાસેના ગોડાઉનમાં અને મહાપુરા ગામ પાસે ગોડાઉનમાં દારૂનો વેપાર ચાલતો હતો. LCB રેડ પાડતા દારૂનું ગોડાઉન ઝડપાયું હતું. જેમાંથી રૂપિયા 19 લાખ 82 હજારની કિંમતનો વિદેશી દારૂનો જથ્થો કબજે કર્યો છે. તો શહેરની બહાર મહાપુરા ગામના ફાર્મ હાઉસમાંથી પણ વિદેશી દારૂ મળી આવ્યો હતો. ફાર્મહાઉસમાં રેડ કરીને 150 દારૂની બોટલો વિજિલન્સે કબ્જે કરી છે. આ બંને ઘટનામાં સ્થાનિક પોલીસ સાવ અજાણ છે. તેમજ વડોદરાથી વિદેશી દારૂ ભરેલું અન્ય ગોડાઉન પણ ઝડપાયું છે. ગોડાઉનમાંથી રૂપિયા 19 લાખ 82 હજારની કિંમતનો વિદેશી દારૂનો જથ્થો કબજે કરવામાં આવ્યો છે. વિદેશી દારૂ સહિત કુલ 26 લાખ 32 હજારનો મુદ્દામાલ જપ્ત કરવામાં આવ્યો છે. દારૂનું નેટવર્ક રાજસ્થાનના 3 શખ્સો ચલાવતા હોવાનો ખુલાસો થયો છે. શાહ ઇન્ડ્રસ્ટ્રીયલ એસ્ટેટ-2માં પ્લોટ 39માં ગોડાઉન ભાડે રાખવામાં આવ્યું હતું 

ગોડલમાં પણ ખુલ્લે આમ 

તહેવારો  સમયે રાજ્યમાં બુટલેગરો બેફામ બની રહ્યાં જોવા મળ્યા છે. ગોંડલ અને વડોદરામાં  દારૂનું વેચાણ  ખુલ્લે આમ  જોવા મળી રહ્યું છે. માત્ર વડોદરા જ નહિ સૌરાષ્ટ્રના ગોંડલમાં  પણ દેશીદારૂનું વેચાણ ખુલ્લેઆમ થઇ રહ્યું છે. આ અંગેનો દેશીદારૂના વેચાણનો વીડિયો વાયરલ થયો છે. ભગવતપરા શેરીમાં જાહેરમાં દેશી દારૂનું વેચાણ થઇ રહ્યું છે. મહિલા ખુલ્લેઆમ ઘરના દરવાજા પર બેસી દેશી દારૂ વેચાઇ રહ્યો છે. આ પ્રકારનો વીડિયો સામે આવતા પોલીસની કામગીરી સામે સવાલ ઉઠ્યા છે. 

દારૂબંધી 'કાગળનો વાઘ' ?

રાજ્યમાં નવા સરદાર અને નવી સરકાર આવ્યા પછી પણ બુટલેગરોને કોઈ જ ફર્ક ના પડતો હોય તેમ,દારુ વેચાઈ રહ્યો છે. રાજ્યના પોલીસ વિભાગની સક્રિયતા તો છે જ પરંતુ આમ છતાં બુટલેગરો હિમતથી દારૂનો સંગ્રહ કરી જાય,અને દેશી દારુ પણ ખુલ્લેઆમ વેંચાય ત્યારે, સ્થાનિક વહીવટી તંત્ર પર ઘણા સવાલો ઉઠવા યોગ્ય છે.