તપાસ / સુરતમાં ધીરેન્દ્ર શાસ્ત્રીનો વિવાદિત વીડિયો ઇન્સ્ટાગ્રામ પર અપલોડ કરનારને મળી ધમકી, ભાવનગરના યુવક સામે ફરિયાદ, જાણો મામલો

• સુરત મહંત ધીરેન્દ્ર શાસ્ત્રીનો વિવાદિત વિડીયોનો મામલો
• ઇન્સ્ટાગ્રામ પર ફરિયાદીએ કર્યો હતો વીડિયો અપલોડ
• વીડિયો અપલોડ કરનારા ને મળી હત્યાની ધમકી

સુરતમાં રહેતા યુવક દ્વારા થોડા સમય પહેલા ઈન્સ્ટાગ્રામ પર  મહંત ધીરેન્દ્ર શાસ્ત્રીનો વિવાદિત વિડીયો મુક્યો હતો. જે મામલે ઈન્સ્ટાગ્રામ પર ફરિયાદીએ વીડિયો અપલોડ કર્યો હતો. ત્યારે વીડિયો અપલોડ કરનારા વ્યક્તિને હત્યાની ધમકી મળી હતી.  આ બાબતે યુવકે સિંગણપોર પોલીસ મથકે ફરિયાદ નોંધાવી હતી. જેમાં યુવકને જાતિ વિષયક અપમાનજનક શબ્દો ઉચ્ચારી અપમાન કર્યું હતું. અમિત બાબરીયા દ્વારા ફરિયાદ કરવામાં આવી હતી. જેમાં ઈન્સ્ટાગ્રામમાં આઈડી ધરાવતા ભાવનગરના યુવક ગોપાલ રાજુભાઈ ગોહિલ સામે ફરિયાદ નોંધાવી છે. 

મને જાનથી મારી નાંખવાની ધમકી આપેલીઃફરિયાદી
આ બાબતે ફરિયાદી અમિત બાબરીયાએ જણાવ્યું હતું કે,  મારૂ ગામ ઘેટી છે તેમજ હાલ હું સુરત ખાતે રહું છું.  ત્યારે થોડા સમય પહેલા  21 માર્ચ 2023 નાં રોજ કહેવાતા બાબા ધીરેન્દ્ર શાસ્ત્રીની એક સ્ટોરી મુકી હતી.  જેમાં મને ગોપાલ ગોહિલ નામનાં વ્યક્તિએ મારી સાથે ખરાબ વર્તન કરી મને ધમકી  આપી હતી.  અને એમ કીધું હતું કે તું ગામમાં આવીશ તો હું મારી નાંખીશ.  મને જાનથી મારી નાંખવાની ધમકી પણ આપેલી છે.  ત્યાર બાદ મેં સિંગણપોર પોલીસ મથકે અરજી આપી હતી.  તેમજ એફઆઈઆર પણ નોંધાવેલી છે.  તેમજ મારા વિરૂદ્ધ જાતિ વિષયક ટીપ્પણી પણ કરેલી છે.