ISRO / 'ચંદ્રયાન-3' સાથે અંતરિક્ષમાં એવું શું મોકલાયું? કે જેની ઇસરો પણ પ્રશંસા કરતા નથી થાકતું, પાછળ રહેલી છે આ ખાસિયતો

• 'ચંદ્રયાન-3'એ આજે બપોરે 2.35 કલાકે ચંદ્ર તરફ ઉડાન ભરી
• 'ચંદ્રયાન-3' મોકલવા માટે LVM-3 લોન્ચરનો ઉપયોગ કરવામાં આવ્યો 
• અગાઉ આ રોકેટ GSLV-Mk3 તરીકે ઓળખાતું હતું

ભારતના ત્રીજા ચંદ્ર મિશન 'ચંદ્રયાન-3' આજે બપોરે 2.35 કલાકે ચંદ્ર તરફ ઉડાન ભરી. નોંધનીય છે કે આંધ્રપ્રદેશના શ્રીહરિકોટા સ્થિત સતીશ ધવન સ્પેસ સેન્ટરથી લોન્ચ કરવામાં આવ્યું છે. 615 કરોડના ખર્ચે તૈયાર થયેલું આ મિશન લગભગ 42 દિવસની મુસાફરી બાદ ચંદ્રના દક્ષિણ ધ્રુવની નજીક લેન્ડ કરશે. 

'ચંદ્રયાન-3' મોકલવા માટે LVM-3 લોન્ચરનો ઉપયોગ કરવામાં આવ્યો 
'ચંદ્રયાન-3' મોકલવા માટે LVM-3 લોન્ચરનો ઉપયોગ કરવામાં આવી રહ્યો છે. તે અગાઉ GSLV MK-III તરીકે ઓળખાતું હતું. ઉલ્લેખનીય છે કે સ્પેસ એજન્સી ઈસરોએ આ રોકેટ વડે ચંદ્રયાન-2 લોન્ચ કર્યું હતું.હવે જ્યારે ચંદ્રયાન 3 સમાચારોમાં છે, ત્યારે તેને અવકાશમાં લઈ જવા માટે જવાબદાર MK-3 લોન્ચ વ્હીકલ વિશે જાણવું પણ જરૂરી છે. તેની સૌથી મહત્વની વાત એ છે કે તે ભારતીય અવકાશ સંશોધન સંસ્થા એટલે કે ઈસરો દ્વારા તૈયાર કરવામાં આવેલ અત્યાર સુધીનું સૌથી શક્તિશાળી રોકેટ છે.

#WATCH | Indian Space Research Organisation (ISRO) launches #Chandrayaan-3 Moon mission from Satish Dhawan Space Centre in Sriharikota.

Chandrayaan-3 is equipped with a lander, a rover and a propulsion module. pic.twitter.com/KwqzTLglnK

— ANI (@ANI) July 14, 2023

LVM-3 શું છે?
LVM-3ની તાકાત, કદ અને ક્ષમતાના કારણે તેને 'બાહુબલી' રોકેટ પણ કહેવામાં આવી રહ્યું છે. ત્રણ સ્તરના રોકેટમાં બે સોલીડ ફ્યુઅલ બૂસ્ટર અને પ્રલિક્વિડ ફ્યુઅલ કોર સ્ટેજ છે જે તેને શક્તિ આપે છે. હવે તેના કામને સમજીએ સોલિડ ફ્યુઅલ બૂસ્ટર્સ રોકેટને પ્રારંભિક તબક્કામાં આગળ વધારવામાં અથવા ધક્કો મારવામાં મદદ કરે છે. જ્યારે, લિક્વિડ ફ્યુઅલ કોર રોકેટને ઓર્બિટને આગળ ધપાવવા માટે થ્રસ્ટ જાળવી રાખે છે .આ રોકેટ 4 હજાર કિલોગ્રામ પેલોડને અંતરિક્ષમાં લઈ જઈ શકે છે.

અગાઉ આ રોકેટ GSLV-Mk3 તરીકે ઓળખાતું હતું
ISROનું કહેવું છે કે, 'આ 43.5 મીટર લાંબા ત્રણ તબક્કાના લોન્ચ વ્હીકલને GTOમાં 4000 કિલોગ્રામ સુધીના કમ્યુનિકેશન સેટેલાઈટ પહોંચાડવામાં ભારતને આત્મનિર્ભર બનાવ્યું છે.'અગાઉ આ રોકેટ GSLV-Mk3 તરીકે ઓળખાતું હતું. ISRO એ ત્રણ સફળ મિશન પછી તેને LVM-3 માં બદલી નાખ્યું. ખાસ વાત એ છે કે શુક્રવારે આ રોકેટ ચંદ્રયાન-3 દ્વારા ચોથી વખત ઓર્બિટમાં પેલોડ પહોંચાડવાના મિશન પર જઈ રહ્યું છે.

Chandrayaan-3 mission: Spacecraft lifts off successfully from Sriharikota

Read @ANI Story | https://t.co/8fATRuqkzy#ISRO #Chandrayaan3 #Sriharikota pic.twitter.com/2Pj1frPCBh

— ANI Digital (@ani_digital) July 14, 2023

રોકેટનું કુલ વજન 642 ટન હોવાનું કહેવાય છે
રોકેટનું કુલ વજન 642 ટન હોવાનું કહેવાય છે. તેની ઉંચાઈ 43.5 મીટર છે. LVM-3 નો ઉપયોગ પહેલાથી જ ઘણા સેટેલાઇટ લોન્ચ કરવા માટે કરવામાં આવ્યો છે. તેમાં GSAT-19 કોમ્યુનિકેશન સેટેલાઇટ, એસ્ટ્રોસ્ટેટ એસ્ટ્રોનોમી સેટેલાઇટ, ચંદ્રયાન-2નો સમાવેશ થાય છે. ખાસ વાત એ છે કે આ રોકેટનો ઉપયોગ ગગનયાન મિશનમાં કરવામાં આવશે, જે ભારતનું પ્રથમ માનવ અવકાશ ઉડાન હશે.